Clifton Private Beach Villa

Selfsorg

Kapasiteit: 6 persone
Geen kinders onder 12
Inkloktyd: 14:00 tot 16:00
Uitkloktyd: 10:00
Adres: Victoria-weg 63, Clifton, Kaapstad, 8005, Wes-Kaap
Vanaf R10 046 per nag (plek vir 6)

Beskrywing

Clifton Private Beach Villa is in die gewilde kusdorpie Clifton in Kaapstad en bied gehalteverblyf naby verskeie winkels, wêreldklas-restaurante en strande. Dis naby al die besienswaardighede en doendinge wat die Moederstad bied.

Dié villa het lugversorging, beskik oor 3 slaapkamers en bied slaapplek aan 6 gaste. Die luukse hoofslaapkamer het 'n see-uitsig en 'n privaat stoep. Daar is 'n koninggrootte-hemelbed en die slaapkamer het 'n oopplan-uitleg met 'n uitsig oor die swembad, see en op die berg. Daar is 'n vrystaande bad, dubbelwasbak-eenheid en 'n instapstort. Die tweede slaapkamer het donker en warm, aardse kleure en 'n privaat binnehof. Daar is ook 'n instapstort, ovaal-bad en 'n dubbelwasbak-eenheid in die slaapkamer. Die derde slaapkamer is bo die poelhuis en bereikbaar via 'n privaat ingang. Dié slaapkamer het warm strand- en see-tone en 'n privaat badkamer met 'n dubbelwasbak-eenheid en 'n instapstort.

Daar is 'n ten volle toegeruste kombuis met 'n stoof, oond, yskas-vrieskas, mikrogolf, koffie- en teemaakgeriewe, eetgerei en breekware. 'n Skottelgoedwasser, wasmasjien en tuimeldroër is ook beskikbaar.

Die kroeg het voorraad en lei na 'n privaat swembad en buite-ontspanarea. Daar is ook 'n poelhuis met 'n privaat badkamer en genoeg sitplek.

Daar is gratis WiFi en parkeerplek in die straat. Veilige parkeerplek kan gereël word teen 'n addisionele koste en is onderhewig aan beskikbaarheid.

Kry ’n Kwotasie