Colonial Sands 406

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Lagoon-weg, Margate Beach, Margate, 4275, KwaZulu-Natal
Vanaf R1 080 per nag (plek vir 6)

Beskrywing

Colonial Sands 406 is 'n selfsorgvakansiewoonstel wat op die vierde verdieping in 'n veilige kompleks in Margate geleë is. Die woonstel spog met lieflike see-uitsigte en bied ook maklike toegang tot die strand, wat dit 'n wonderlike ruimte maak om te ontspan. Dit is ook stapafstand vanaf Margate se sakekern met verskeie restaurante, winkels en kafees. Margate se hoofstrand het haainette sowel as lewensredders wat dit veilig maak om te swem.

Dié woonstel het slaapplek vir 6 gaste en beskik oor 3 slaapkamers, 2 badkamers, 'n kombuis en 'n leefarea. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n bad, stort, toilet en dubbelwasbak. Die tweede slaapkamer het ook 'n koningingrootte-bed en die derde slaapkamer het 2 enkelbeddens. Die tweede badkamer is ook toegerus met 'n bad, stort, toilet en wasbak.

Die oopplan-kombuis is toegerus met 'n yskas, stoof, oond, skottelgoedwasser, wasmasjien, tuimeldroër, mikrogolf, broodrooster, basiese eetgerei en breekware, asook tee- en koffiemaakgeriewe. Die leefarea met lugversorging is ingerig met 'n sitkamerstel en die skuifdeure maak oop na die ruim balkon met 'n etenstafel waar gaste hul maaltye saam kan geniet terwyl hulle oor die see uitkyk.

Dié kompleks spog met 'n sprankelende gemeenskaplike swembad, braai-area en goedversorgde tuine. Boonop het die kompleks ook 'n hysbak asook onderdakparkeerplek vir 2 voertuie.

Kry ’n Kwotasie