Comp Beach Road 21

Selfsorg

Spesiale Aanbod 20% af

Kry 20% af. Geldig vir verblyf vanaf 27 Sep 2024 tot 30 Nov 2024.

Kapasiteit: 10 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Compensation Beach-weg 21, Ballito, 4399, KwaZulu-Natal
Vanaf ~~R5 608~~ R4 487 per nag (plek vir 10)

Beskrywing

Comp Beach Road 21 is 'n pragtige vakansievilla wat met 'n asemrowende see-uitsig spog en in die hartjie van Ballito geleë is. Hierdie villa is die perfekte opsie vir 'n kuswegbreek en het 'n lieflike swembad vir die warm somerdae.

Dié tweeverdiepingvilla bied slaapplek aan 10 gaste en beskik oor 5 slaapkamers, 5 badkamers en 'n gastetoilet. Die hoofslaapkamer lei na 'n privaat balkon met sitplek en 'n see-uitsig en het 'n koninggrootte-bed en 'n en suite-badkamer met 'n bad en 'n stort. Die ander 4 slaapkamers het elk 'n koningingrootte-bed. Die ander 3 badkamers het 'n bad of 'n stort. Alle linne en badhanddoeke word voorsien, maar gaste moet hul eie strandhanddoeke saambring. Elkeen van die kamers lei na 'n balkon met 'n see-uitsig en 'n plafonwaaier.

Die ruim oopplan-leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware, koffie- en teemaakgeriewe, skottelgoedwasser, wasmasjien en 'n tuimeldroër toegerus is. Die kombuis lei na 'n etenstafel met sitplek vir 8. Die sitarea het gemaklike sitplek en 'n platskerm-TV met DStv. 'n Kragopwekker is beskikbaar. Daar is geen WiFi nie.

Die leefarea lei na 'n onderdakbalkon met 'n buite-etenstafel en 'n ingeboude braai waar gaste die see-uitsig kan bewonder. Die grondvlak van die huis lei na 'n onderdakstoep met gemaklike buitemeubels. Daar is 'n uitgestrekte tuin en swembadarea met sonstoele. Dié tuin het ook 'n ingeboude braai. Veilige parkeerplek in 'n dubbelmotorhuis, asook bykomende parkeerplekke is beskikbaar.

Kry ’n Kwotasie