N rustige afsaalplekkie, waar jy in rus en vrede jou wegbreek kan geniet. Ons is vriendelik ontvang en die goed toegeruste woonstel was netjies en skoon. Die personeel is vriendelik en uiters behulpsaam.

Fantastiese vakansie blyplek, mooi, veilig en rustig. Fantastiese vakansie. Roxy en Karin het ons baie welkom laat voel. Ons plekkie was puik en het alles gehad wat jy nodig het. Dit was ook baie veilig. Die bokkies, dassies en appies dra beslis by tot die pragtige natuur van Marina Beach. Julle sien ons vir seker binnekort weer.

Ontspan en rus met genoeg dinge om naby te doen. Ons het baie lekker gebly. Dis rustig, op die strand en baie veilig. Die uitsig op die see is pragtig! Die woonstel word daagliks gediens en is skoon en netjies. Die persoonlike diens laat mens sommer welkom voel. Daar is egter nie 'n kluis vir waardevolle items nie en die motorhuis is bietjie knap vir groter SUV-tipe voertuie. Ek kan dit vir seker aanbeveel en sal weer daarheen gaan. Baie dankie vir 'n heerlike rustyd.

Ons gunsteling vakansie bestemming! Cottage David @ Surf Spray is soos jou eie persoonlike vakansie huis met alles wat mens nodig het om jou verblyf gemaklik te maak. Die daaglikse skoonmaakdienste is ook 'n groot bonus. Roxy is baie vriendelik en behulpsaam met gereelde kragonderbrekingstye, om jou dag te beplan, asook gee inligting van waar om lekker te gaan eet en inkopies te doen, indien nodig. Die tuin is baie netjies met 'n bank om te sit en oor die see uit te kyk. Diereliefhebbers sal natuurlik ook verlief raak op die Blou duikers wat nou en dan oor die grasperk beweeg. Ek en my man sal baie graag in die toekoms weer daar gaan rus.

Ons kon nie vir 'n beter en lekkerder plek gevraag het nie. Die beste verblyf nog aan die Suidkus!