Country @ Sea

Selfsorg

Kapasiteit: 13 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Adderleystraat 1, Longacres, Langebaan, 7537, Wes-Kaap
Vanaf R1 250 per nag (plek vir 3)

Beskrywing

Country @ Sea bied selfsorgverblyf op die Longacres Country Estate in Langebaan en is ideaal vir klein gesinne of paartjies wat op soek is na 'n wegbreek buite die stad se gewoel.

Die Dagbreek-woonstel bied slaapplek aan 2 volwassenes en 1 kind en het 'n slaapkamer met 'n koninggrootte-bed en 'n slaapbank in die sitarea. Die badkamer het 'n stort, toilet en 'n wasbak. Alle linne en handdoeke word voorsien.

Die oopplan-leefarea het 'n kombuis en 'n sitarea. Die kombuis is met 'n stoof, oond, mikrogolfoond, yskas-vrieskas, eetgerei en breekware toegerus. Daar is ook 'n toonbank met sitplek vir 4. Die sitarea het 'n TV met Netflix en stroomdienste. WiFi is beskikbaar. Nespresso, koffie, tee, suiker en melk word ook voorsien.

Die woonstel grens aan die hoofhuis se motorhuis.

Buite is daar 'n privaat binnehof met 'n tafel, stoele en braaigeriewe. Die woonstel is 3 km vanaf Club Mykonos en restaurante.

Dit is 'n selfsorgkothuis met 2 slaapkamers op Longacres Country Estate in Langebaan en is ideaal vir 'n gesin wat op soek is na 'n wegbreek buite die besige stad.

Die Douvoordag-kothuis het slaapplek vir 5 gaste en beskik oor 2 slaapkamers, een met 'n koninggrootte-bed en die ander een met 2 enkelbeddens. Die sitarea het 'n slaapbank met slaapplek vir 1 volwassene of 2 kinders. Die badkamer het 'n stort, toilet en 'n wasbak.

Die oopplan-leefarea het 'n kombuis en 'n sitarea. Die kombuis is met 'n vieplaatstoof, mikrogolfoond, yskas-vrieskas, eetgerei en breekware toegerus en daar is ook 'n toonbank met sitplek vir 4 gaste. Die sitarea het 'n TV met Netflix en stroomdienste.

Buite is daar 'n groot onderdakstoep met 'n tafel, stoele en braaigeriewe. Daar is sonkrag en gas, so kragonderbrekings is nie 'n probleem nie. Daar is braaigeriewe op die stoep. Die kothuis is heeltemal apart van die eienaar se huis.

Hanekraai het slaapplek vir 5 gaste en beskik oor 2 slaapkamers en 1 badkamer. Die een slaapkamer het 'n koninggrootte-bed en die ander een het 2 enkelbeddens. Die badkamer het 'n stort. Die leefarea het 'n slaapbank, 'n kombuis en 'n sitarea. Die kombuis is met 'n vieplaatstoof, mikrogolfoond, yskas-vrieskas, eetgerei en breekware toegerus en daar is ook 'n toonbank met sitplek vir 4 gaste. Die leefarea het 'n TV met Netflix en stroomdienste.

Buite is daar 'n groot onderdakstoep met 'n tafel, stoele, braaigeriewe en 'n houtvuurwarmbad. Daar is sonkrag en gas, so kragonderbrekings is nie 'n probleem nie. Die kothuis is heeltemal apart van die eienaar se huis.

Die verblyf is 3 km vanaf Club Mykonos en restaurante.