Country Life Park

Selfsorg

Kapasiteit: 24 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Witneystraat 59, Bryanston, Johannesburg, 2060, Gauteng
Vanaf R1 600 per nag (plek vir 4)

Beskrywing

The Country Life Park is 'n veilige woonkompleks op 2,4 hektaar, wat gaste 'n plattelandse wegbreek in die hartjie van Bryanston bied. Die kompleks het 'n puik ligging, naby winkelsentrums, topklas-restaurante, Sandton City, Montecasino en 'n rits ander besienswaardighede.

Verblyf word in veilige, individueel versierde selfsorg-eenhede gebied. Elke eenheid het 2 of 3 stylvolle en gerieflike slaapkamers, 1 of 2 badkamers en 'n gastetoilet, en 'n oopplan-kombuis, -eetarea en -sitarea. Die beddens is met luukse Egiptiese katoenlinne opgemaak. Elke kombuis is volledig toegerus met 'n yskas-vrieskas, mikrogolfoond, stoof en 'n oond. Die sitareas het TV's en WiFi. Elke eenheid lei na sy eie onderdakstoep met 'n buite-etenstafel en 'n privaat tuin met braaigeriewe. Elke eenheid het ook 'n enkelmotorhuis met direkte toegang tot die eenheid, en ekstra, gratis parkeerplek is in die kompleks beskikbaar.

Die eenhede word 1 keer per week skoongemaak. Die kompleks is troeteldiervriendelik.

Die woonkompleks het 'n pragtige, goed versorgde, gemeenskaplike tuin en 'n omheinde, skoon, gemeenskaplike swembad wat deur gras omring word. Vir gemoedsrus is daar sekuriteit wat die kompleks 24 uur per dag bewaak.

Kry ’n Kwotasie