Cozy Corner Langebaan

Selfsorg

Kapasiteit: 27 persone
Alle ouderdomme is welkom
Inkloktyd: 15:00 tot 16:00
Uitkloktyd: 10:00
Adres: Hoofstraat 88, Langebaan, 7357, Wes-Kaap
Vanaf R1 058 per nag, vir 2 mense

Beskrywing

Cozy Corner Langebaan bied gerieflike verblyf in Langebaan en is 100 m vanaf die ongerepte strand. Die eenhede word nie deur beurtkrag geaffekteer nie aangesien daar sonkragstelsels in plek is.

Cozy Crner Langebaan bied 'n verskeidenheid verblyf-opsies en sluit 4 oopplan-eenhede, 'n aparte kothuis, 3 gemeenskaplike slaapsale en 'n privaat slaapsaal in. Elke eenheid het gemaklike beddens en kamergeriewe om gerieflike verblyf te verseker. Sommige van die eenhede het 'n privaat badkamer met 'n stort, terwyl die gaste van die gemeenskaplike slaapsale gemeenskaplike badkamers met storte gebruik. Die Kitehouse het 'n kombuis wat vir selfsorg toegerus is. Elkeen van die slaapsale deel 'n gemeenskaplike kombuis en sitarea.

Die kothuis bied die ideale tuiste weg van die huis en elke slaapkamer het 'n en suite-badkamer met 'n bad en stort. Die stylvolle kothuis het ook 'n volledig toegeruste kombuis.

Daar is 'n pragtige tuin waar gaste in 'n lowerryke omgewing kan ontspan. Die terras is die ideale plek om die son te geniet of te ontspan en die asemrowende uitsig te geniet. Daar is ook braaigeriewe beskikbaar. Gaste het toegang tot gratis WiFi en privaat parkeerplek.

Stap-entoesiaste kan die skilderagtige roetes verken, terwyl vlieërplankry- en visvang-entoesiaste hul gunsteling tydverdrywe kan beoefen. Die natuurlike omgewing lok buitelugliefhebbers en daar is ook unieke strandrestaurante, oorgenoeg seekosopsies en winkels wat kurios, kunsvlyt en klere verkoop. Volwassenes sal hulself verlustig aan die Casino by Club Mykonos en daar is ook 'n verskeidenheid vermaakopsies vir kinders. Aktiwiteite sluit die Country Club-gholfbaan, perdritte op die strand en ontspannende spa-behandelings in.

Gaste kan ook die Weskus Fossielpark besoek. Dit is die enigste fossielpark in Suid-Afrika en is die tuiste van die oer-Groot 5 wat eens hierdie area platgetrap het.

Die oorskot van Afrika se enigste beer is ook hier gevind tesame met die fossiele van 200 ander spesies. Besoekers kan 'n insiggewende toer van die fossielopgrawingsareas meemaak en soek na hul eie fossiele. Daar is ook fietsry-, stap- en perdryroetes deur die park.

Kry ’n Kwotasie