Crowned Crane View

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoekstraat 64, Wakkerstroom, Wakkerstroom, 2480, Mpumalanga
Vanaf R4 500 per nag, vir 10 mense

Beskrywing

Crowned Crane View is 'n selfsorghuis met slaapplek vir 10 gaste in die dorpie Wakkerstroom.

Die huis beskik oor 3 slaapkamers en 'n solderkamer. Die eerste slaapkamer het 'n koningingrootte-bed en 'n volledige en suite-badkamer. Die tweede slaapkamer het 2 enkelbeddens en die derde slaapkamer het 'n dubbelbed. Die aparte gedeelde badkamer het 'n stort. Die solderkamer het 4 enkelbeddens. Stortseep, gesigdoeke, handroom en handseep word voorsien, asook sagte handdoeke.

Daar is 'n oopplan-leefarea met 'n kombuis met 'n elektriese stoof en oond, mikrogolf, yskas-vrieskas en skottelgoedwasser, asook 'n enkelgasstoof om die ketel tydens beurtkrag te kook. Ys, tee, koffie, suiker en versoeter word voorsien. Die sitarea het 'n groot kaggel vir koeler aande en hout, vuuraanstekers en vuurhoutjies word vir die eerste nag voorsien.

Die Franse deure lei na die beskutte dek met 'n ingeboude braai, Weber- en gasbraaigeriewe met 'n stoofplaat vir beurtkrag. Gaste kan die asemrowende uitsigte oor die heuwels en vleiland geniet. Brikette word voorsien. Daar is bordspeletjies, legkaarte en aktiwiteite om klein kinders besig te hou, boeke en tydskrifte, en 'n verkyker om die kroonkraanvoëls in vlug te vang.

Alhoewel daar nog nie WiFi is nie, kan gaste die WiFi in die tuine langsaan gebruik. Tafels, stoele en sambrele word voorsien en daar is ook kragpunte. Gaste mag hul honde saambring indien hul vriendelik is. Daar is genoeg plek vir hulle om te hardloop en speel.

Kry ’n Kwotasie