Dalriada Cottage

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: N2, Keurbooms River, 6600, Wes-Kaap
Vanaf R4 200 per nag (plek vir 6)

Beskrywing

Dalriada Cottage, 'n moderne en luukse kothuis, is op die oewer van die Keurboomsrivier geleë.

Die kothuis bied panoramiese uitsigte oor die rivier en bestaan uit 2 slaapkamers, 'n solder-area en 2 badkamers. Dit is dus ideaal vir paartjies of kleiner families wat saam wil wegbreek. Die hoofslaapkamer het 'n koninggrootte-bed en die tweede slaapkamer het 2 enkelbeddens. Daar is 'n leer na die solder-area met 2 ekstra enkelbeddens. Die 2 badkamers het 'n bad en 'n stort. Ons voorsien linne en handdoeke. Die groot veranda op die eerste verdieping het 'n lieflike uitsig oor die rivier en die omliggende omgewing.

Die kombuis is volledig toegerus vir selfsorg met 'n yskas-vrieskas, 'n gasstoof en mikrogolf, breekware en eetgerei. 'n Wasmasjien en skottelgoedwasser is ook beskikbaar. Die leefarea het 'n TV met volledige DStv en die losstaande kaggel sal jou warm hou op triestige wintersdae.

Let wel: Rook is verbode en troeteldiere word ongelukkig nie toegelaat nie.

Dalriada Cottage is in 'n veilige eko-landgoed, waar springbokke vrylik wei, geleë. Die landgoed is heeltemal omhein en toegang word verkry deur 'n afstandbeheerde hek. Die rivier is ideaal vir visvang, bootritte en swem en die area het 'n groot verskeidenheid voëllewe. Plettenbergbaai is net 10 minute van ons af en bied verskeie doendinge en besienswaardighede.

Kry ’n Kwotasie