Beskrywing

Dasha Accommodation is 'n bekoorlike selfsorgwoonstel wat op die eienaar se perseel, in die kusdorpie Yzerfontein, geleë is. Dit is ideaal vir gaste wat op soek is na 'n rustige wegbreek.

Die woonstel het 'n oopplan-ontwerp met 'n slaaparea en 'n leefarea met 'n kombuisie. Daar is 'n dubbelbed en 'n en suite-badkamer met 'n stort. WiFi is beskikbaar. Die kamer het ook 'n kluis.

Die kombuisie is met 'n yskas-vrieskas, tweeplaatgasstoof, mikrogolf, en koffie- en teemaakgeriewe toegerus. Die leefarea het 'n TV met stroomdienste, etenstafel en 'n binnebraai. Die woonstel het ook 'n privaat binnehof wat vir troeteldiere geskik is en veilige parkeerplek. Verder is daar sonkrag sodat gaste se verblyf nie deur kragonderbrekings geaffekteer word nie.

Hierdie woonstel is naby plaaslike winkels en restaurante geleë, en is boonop net 300 m vanaf die strand. Gaste kan 'n bromponie en motorfiets by die eienaar huur, en lekke daguitstappies is ook beskikbaar.