Dasklip

Selfsorg

Kapasiteit: 8 persone
Alle ouderdomme is welkom
Inkloktyd: 16:00 tot 19:00
Uitkloktyd: 10:00
Adres: Flamingo-straat 8, Langebaan, 7357, Wes-Kaap
Vanaf R2 799 per nag (plek vir 8)

Beskrywing

Dasklip, is 'n ruim selfsorgvakansiehuis wat ideaal geleë is in die hartjie van Langebaan. Dit kan 'n goeie opsie vir 'n groep vriende wees, want dit spog met 'n vermaakarea en is stapafstand vanaf die strand geleë.

Dié eiendom het slaapplek vir altesaam 8 gaste op 'n slag en beskik oor 4 slaapkamers, 3 badkamers en 'n gastetoilet. Die hoofslaapkamer is ingerig met 'n koninggrootte-bed en beskik oor 'n en suite-badkamer met 'n stort en 'n bad. Die tweede slaapkamer het 'n dubbelbed en 'n en suite-stort. Die derde slaapkamer het 2 enkelbeddens en die vierde slaapkamer het ook 'n dubbelbed. Hierdie 2 kamers deel 'n badkamer met 'n stort. Alle linne en badhanddoeke word voorsien; gaste moet egter hul eie strandhanddoeke saambring.

Die leefarea beskik oor 'n kombuis wat volledig toegerus is met 'n stoof, 2 oonde, mikrogolfoond, yskas-vrieskas, eetgerei en breekware asook 'n sentrale ontbyttafel. Vir gaste se gerief is 'n skottelgoedwasser en wasmasjien ook beskikbaar. Van die kombuis af lei 'n lieflike lugversorgde onthaalarea met 'n pooltafel, 'n kroeg, oorgenoeg gemaklike sitplek, 'n ingeboude braai en 'n TV met DStv. Toegang tot gratis WiFi is beskikbaar.

Dié huis het 'n tweede sitkamer met 'n kaggel en 'n etenstafel waar gaste hul maaltye saam kan geniet. Albei hierdie areas maak oop op 'n sonnige patio met sitplek buite wat 'n wonderlike plek is vir 'n oggendkoffie. Gaste kry veilige parkeerplek van die straat af op die perseel.

Kry ’n Kwotasie