De Gabe Luxury Villa

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Leholi-keeromstraat 817, Heuwelsig Estate, Centurion, 0157, Gauteng
Vanaf R8 900 per nag (plek vir 10)

Beskrywing

De Gabe Luxury Villa is 'n selfsorgvakansiehuis op Heuwelsig Estate in Centurion en is 'n ideale keuse vir vriende en familie wat op soek is na 'n ontspannende en gerieflike basis om die area te verken.

Dié dubbelverdiepinghuis bied slaapplek aan 10 volwassenes en 2 kinders en beskik oor 5 slaapkamers, 4 badkamers en 'n aparte toilet. Die eerste slaapkamer het 'n koninggrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koningingrootte-bed en 'n en suite-badkamer met 'n stort-oor-bad, wasbak en 'n toilet. Die derde slaapkamer het 'n dubbelbed en 'n en suite-badkamer met 'n stort. Die vierde slaapkamer het 'n koninggrootte-bed en daar is 2 driekwartbeddens in die vyfde slaapkamer. Daar is ook 'n addisionele area met 2 enkelbeddens vir kinders. Die gedeelde badkamer het 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolf, eetgerei, breekware, tee- en koffiemaakgeriewe en 'n toonbank met stoele toegerus. Verder is daar 'n skottelgoedwasser, wasmasjien en 'n kisvrieskas. Die eet- en sitareas het gemaklike sitplek, 'n TV met DStv en 'n kroegarea. WiFi is beskikbaar.

Gaste het toegang tot 'n onderdakstoep met braaigeriewe, 'n omheinde tuin, sonkrag en veilige parkeerplek op die perseel. Hierdie verblyf is naby plaaslike geriewe soos winkels en restaurante.

Kry ’n Kwotasie