De Nada

Selfsorg

Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Soldateklipstraat 4, Paternoster, 7381, Wes-Kaap
Vanaf R3 520 per nag (plek vir 8)

Beskrywing

De Nada is 'n selfsorgvakansiehuis 30 m vanaf die strand in Paternoster, 'n sonderlinge vissersdorpie aan die Weskus van Suid-Afrika. Paternoster is sowat 150 km noord van Kaapstad langs die R27 en 15 km noordwes van Vredenburg en 'n gewilde naweekbestemming onder Kapenaars. Die Weskus is vir sy ryk verskeidenheid plantspesies bekend en lok veldblom-entoesiaste van regoor die wêreld.

Die huis beskik oor 4 slaapkamers, 3 badkamers, 'n volledig toegeruste kombuis, eetarea en 'n sitarea. Die hoofslaapkamer is op die onderste verdieping en het 'n dubbelbed en 'n en suite-badkamer met 'n stort-oor-bad, toilet en 'n wasbak. Die tweede slaapkamer het 'n dubbelbed en die derde slaapkamer het 'n dubbelbed en 'n ekstra enkelbed. Die gaste in hierdie 2 slaapkamers deel 'n badkamer wat 'n stort, toilet en 'n wasbak het. Die vierde slaapkamer het 'n dubbelbed en toegang tot 'n aparte badkamer met 'n stort en 'n toilet. Daar is 2 matrasse in die boonste solder wat op versoek en teen 'n ekstra koste deur 2 ekstra gaste gebruik kan word.

Die oopplan-kombuis en -eetarea is op die onderste verdieping. Die kombuis is met 'n stoof, oond, yskas, mikrogolfoond, ketel en 'n broodrooster toegerus. Die eetarea het 'n etenstafel met sitplek vir 10.

Die oopplan-sitarea en -kuierarea is op die boonste verdieping en het 'n platskerm-TV met sekere DStv-kanale, 'n verwarmer en 'n etenstafel met sitplek vir 6. Dié area lei na 'n balkon wat gedeeltelik onderdak is en 'n etenstafel en 'n asemrowende uitsig het. 'n Toesluitmotorhuis is vir 2 voertuie beskikbaar.

Kry ’n Kwotasie