De Villiers Country Lodge

Gastehuis

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Victoriastraat 13, Villiersdorp, 6848, Wes-Kaap
Vanaf R1 600 per nag, vir 2 mense

Beskrywing

De Villiers Country Lodge is 'n bekoorlike gastehuis wat B&B bied, en is geleë in die pragtige Elandsvallei van Villiersdorp, net 25 kilometer vanaf Franschhoek in die Wes-Kaap. Perfek vir gaste wat op soek is na gerieflike verblyf en hartlike gasvryheid, weg van die stad se gewoel.

Verblyf by De Villiers Country Lodge beskik oor 5 slaapkamers en een kothuis. Die slaapkamers is in die gastehuis geleë, en is ruim, en goed ingerig, toegerus met 'n dubbelbed en en suite-badkamer met 'n bad of stort, wasbak en toilet. Een kamer is op die grondvlak geleë en is rolstoelvriendelik.

Die Kothuis is volledig apart van die hoofgebou en is ideaal vir gaste wat 'n bietjie meer privaatheid soek. Fasiliteite ingesluit in al die kamers is WiFi en 'n TV wat sekere DStv-kanale het, 'n balkon of patio asook tee- en koffiemaakgeriewe, met ander bykomende luukshede vir jou gerief.

'n Heerlike ontbyt word in die eetarea bedien, en ander heerlike maaltye kan ook gereël word. Gaste kan kies tussen twee gemeenskaplike sitkamers om in te ontspan en te kuier, of op somersdae 'n verfrissende duik in die swembad neem.

Vir die korporatiewe gas kan De Villiers Country Lodge voorsiening maak vir klein funksies of besigheidsvergaderings. Veilige parkeerplek is beskikbaar vir voertuie, en die eiendom is naby verskeie geriewe en doendinge, soos 'n gholfbaan en Theewaterskloof-landgoed, wynroetes asook museums en vele ander prettige doendinge.

Kry ’n Kwotasie