De Zalze Lodge

Lodge

Kapasiteit: 83 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Kleine Zalze-landgoed, Strand-weg, R44, Stellenbosch, 7600, Wes-Kaap
Vanaf R3 295 per nag, vir 2 mense

Beskrywing

De Zalze Lodge is 'n Kaaps-Hollandse gastelodge in die Kleine Zalze-landgoed wat met 'n uitsig oor die welige wingerde en op die asemrowende Stellenboschberge spog. Hierdie luukse lodge is op die eerste skoonveld van die De Zalze-gholfbaan geleë en bied verblyf met 'n rits lekker tydverdrywe wat gaste behoorlik sal laat ontspan.

Verblyf word in 'n verskeidenheid kamers en suites aangebied, insluitend standaardkamers, superieure kamers, luukse eenslaapkamersuites en standaardkamers met 'n berguitsig. Elke kamer en suite het lugversorging, ondervloerse verhitting, 'n satelliet-TV, internettoegang en 'n kluis. Die standaardkamers, superieure kamers en standaardkamers met 'n berguitsig is met 'n yskassie en koffie- en teemaakgeriewe toegerus. Die luukse suites het ook hul eie kombuise wat met 'n stoof, oond, mikrogolfoond, broodrooster, ketel, eetgerei en breekware toegerus is.

Die De Zalze Lodge het nie 'n restaurant of kroeg op die perseel nie en ontbyt word daagliks by die Kleine Zalze-restaurant aangebied, wat ongeveer 100 meter se stap vanaf die Lodge is. Die Kleine Zalze-restaurant is daagliks vir middagetes oop, maar vir aandete gesluit. Doen asb. navraag by die ontvangstoonbank oor moontlike aandete-opsies in die area.

Daar is 'n randvloeiswembad, 'n rits wingerdpaadjies vir stap of draf, bergfietsroetes en wynproe-geleenthede.

Dit wat De Zalze Lodge bied, saam met die uitstekende ligging en onberispelike diens, verseker aangename, opwindende en onvergeetlike verblyf.

Kry ’n Kwotasie