Winelands Golf Lodges 3

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Strandweg, De Zalze Gholflandgoed, Stellenbosch, 7600, Wes-Kaap
Vanaf R5 890 per nag (plek vir 8)

Beskrywing

Winelands Golf Lodges 3 is 'n selfsorgwoonstel op die De Zalze Gholflandgoed in die hartjie van die Stellenbosch Wynlande en spog met 'n panoramiese uitsig oor die omliggende landgoed.

Die dubbelverdieping-woonstel bied slaapplek aan 8 gaste en beskik oor 4 aparte en suite-slaapkamers. Al 4 slaapkamers het 'n koninggrootte-bed en 'n en suite-badkamer met 'n bad of 'n stort óf albei. Sommige van die kamers het direkte toegang tot die voorste stoep of die balkon. Badhanddoeke word voorsien.

Die oopplan-leefarea het 'n kombuis en 'n sitarea met gemaklike sitplek, sowel as 'n TV met die volledig DStv-pakket. Gratis WiFi is beskikbaar. Die kombuis is met 'n stoof, oond, mikrogolf, yskas-vrieskas, koffiemasjien, eetgerei, breekware en 'n skottelgoedwasser toegerus. Daar is ook 'n etenstafel met sitplek vir 6.

Die leefarea lei na 'n stoep met buitemeubels en 'n Weber-braai. Die balkon op die boonste verdieping het 'n ingeboude braai, sonstoele en gemaklike meubels wat die ideale plek skep vir gaste om te sonbaai.

De Zalze Gholdlandgoed het 'n gemeenskaplike swembad en 'n restaurant wat 'n verskeidenheid maaltye bedien, van seekos tot fynproewers-hamburgers. The Camelot Spa Wellness-sentrum bied ook 'n rits behandelings vir gaste wat hulself wil bederf.

Kry ’n Kwotasie