De Zeekoe Guest Farm

Gastehuis

Soos Gesien op Facebook
Kapasiteit: 60 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: R328, Zeekoegat, 10 km buite Oudtshoorn, 6620, Wes-Kaap
Vanaf R1 850 per nag, vir 2 mense

Beskrywing

De Zeekoe Guest Farm is sowat 10 km buite Oudtshoorn op die Tuinroete geleë. Dié plaas word deur die Swartberge en Outeniekwaberge omring wat 'n verskeidenheid besienswaardighede, soos volstruisplase, Roete 62, die Kangogrotte, watervalle en museums insluit.

Verblyf word in 20 gastekamers en 3 klipkothuise gebied. Elke eenheid het koffie- en teemaakgeriewe, 'n waaier, japonne, 'n yskassie, haardroër, kluis en gratis WiFi. Daar is lugversorging in sommige kamers. Die 3 kothuise het ook elk 'n mikrogolf.

Die gasteplaas spog met 'n swembad, huurfietse, 'n kuriowinkel en 'n spa wat masserings en gesigbehandelings bied. Die restaurant op die perseel, De Windpomp, bied eenvoudige, dog smullekker maaltye wat met plaaslike bestanddele, vars plaasprodukte en plaasvleis voorberei word. 'n Kroeg is ook vir gaste beskikbaar.

'n Paar van die aktiwiteite op die plaas sluit visvang met gaste se eie toerusting, voetslaan, voëlkyk met meer as 162 spesies, kanovaart, staproetes, sterrekyk en fietsry in. Toere kan gereël word om saam met wilde meerkatte te stap as deel van die Skaam 5-ervaring. Let asb. dat die beginpunt vir dié toere sowat 16 km vanaf die hoofhuis is en dat gaste self soontoe moet ry. Let asb. ook dat daar 'n droogte in die area is en dat die mere tans nie water het nie.

Kry ’n Kwotasie