Deruxa Cottages
- Soos Gesien op Facebook
- Kapasiteit: 16 persone
- Alle ouderdomme is welkom
-
Inkloktyd: 14:00 tot 19:00
Uitkloktyd: 10:00 - Adres: Plot 11, De Wagensdrift, 1002, Gauteng
- Vanaf R850 per nag (plek vir 2)
Beskrywing
Deruxa Cottages is 53,9 km noord van Pretoria en 30 km vanaf die historiese dorp Cullinan. Dié instansie bied gerieflike verblyf in 5 smaakvolle kothuise wat op ’n 21 hektaar-plaas geleë is. Dit is ideaal vir gesinne, vriende en sakereisigers.
Verblyf word aangebied in 'n Gesin-bungalow, 3 Executive-bungalows en 'n Standaard-bungalow.
Die Gesin-bungalow is ruim en is ’n ou, opgeknapte plaashuis. Van buite af lyk die huis nog ongekunsteld en het die plaashuis-bekoring, maar binne is die huis opgegradeer. Dié bungalow het slaapplek vir 8 gaste en dit beskik oor 3 slaapkamers, 'n sitarea, eetkamer, volledig toegeruste kombuis en 'n buitestoep. Die hoofslaapkamer het ’n koninggrootte-bed en ’n en suite-badkamer met ’n bad en ’n stort. Die tweede slaapkamer het ’n dubbelbed en het sy eie badkamer met ’n bad. Die derde slaapkamer het 2 enkelbeddens en ’n en suite-stort. Die kombuis is met 'n stoof, oond, mikrogolf, broodrooster, yskas-vrieskas en tee- en koffiemaakgeriewe toegerus. Die bungalow word daagliks skoongemaak. Skottelgoedseep en vadoeke word voorsien, sowel as toiletpapier, badhanddoeke en japonne. Ander geriewe sluit 'n eetarea, opwaskamer, vermaakarea met 'n pooltafel en 'n stoep met braaigeriewe in. Vuurmaakhout is beskikbaar teen ekstra koste.
Die 3 alleenstaande Executive-kothuise is naby die konferensiegeriewe, kombuis en lapa. Elke kothuis bied slaapplek aan 2 gaste en het 2 driekwartbeddens of ’n koninggrootte-bed. Elke kothuis het ’n en suite-badkamer met ’n stort en bad en ’n kaggel is beskikbaar vir die koue aande. Daar is ook ’n klein, privaat stoep by elke kothuis met uitsigte oor die pragtige Afrika-bos. Dit is die perfekte plek om jou oggendkoffie te geniet. Linne en badhanddoeke word voorsien. Die Executive-kothuise is nie geskik vir selfsorg nie, maar die lapa kan gebruik word om kos voor te berei op die braai of in die pizza-oond.
Die standaard-bungalow-kothuis is oopplan en het 'n slaapkamer met 'n koninggrootte-bed en 'n en suite-badkamer met 'n bad en stort. 'n Gemaklike dubbel-oopvouslaapbank vir jonger kinders is beskikbaar. Die kombuisie is met breekware, eetgerei en 'n gasstoof toegerus. Die kothuis word daagliks skoongemaak en skottelgoedseep word voorsien sowel as toiletpapier, badhanddoeke en japonne. Die kothuis word hoofsaaklik aangedryf met gastoestelle, insluitende 'n geiser, stoof en verwarmer. Alle ligte en kragproppe is elektries.
Gaste het toegang tot 'n gemeenskaplike swembad.
Die plaas bied geriewe vir konferensies, bestuursvergaderings en jaareindfunksies. Die plaas kan ook klein troues, verjaarsdagpartytjies, verlowingsvieringe, rampartytjies, kombuistees en gesinsreünies aanbied. Die konferensiegeriewe is langs die oopplan-sitkamer en het plek vir 12 afgevaardigdes. Dié kamer het lugversorging en is toegerus met 'n blaaibord, witbord met witbordpenne en 'n TV. Daar is genoeg elektriese kragproppe vir skootrekenaars en ander toerusting, en gaste kan hul eie projektor saambring indien nodig.
Die opelug-stoep en sitkamer is die ideale plek om te ontspan en tee en koffie te drink en die rustige bosomgewing te geniet.
Kenmerke
Geriewe
- Swembad
- Braaiplek
- Kombuisgeriewe
- Geen Rook Binnenshuis
- Restaurant op Perseel
- Selfsorg
- Konferensiegeriewe
Aktiwiteite op perseel
- Wildkyk
- Swem
Hier praat ons
- Afrikaans
- Engels
Maaltye Aangebied
- Ontbyt
- Aandete
- Aandete Op Versoek
- Middagete
- Etes Op Versoek
Konferensiegeriewe
- Lugversorging
- Blaaibord
- Witborde
- Televisie
Parkeerplek
- Veilige Parkering
Betaalopsies op Perseel
- Kontant
- Elektroniese Fondsoorplasing
Resensies
Wat gaste dink
Ontmoet jou gasheer
Kyk 'n bietjie na die gasheer se rekord.
4/5
Neo Geverifieer
Eiendomme 1
Resensies 83
Op LekkeSlaap 6 jaar
Ligging
- Plot 11, De Wagensdrift, 1002, Gauteng
- Gaste dink Deruxa Cottages het ’n goeie ligging
Sien meer verblyf in Leeuwkloof Valley Bobbejaansberg Private Nature Reserve Gauteng
- Kapasiteit: 16 mense
- Alle ouderdomme is welkom
-
Inkloktyd: 14:00 tot 19:00
Uitkloktyd: 10:00 - Adres: Plot 11, De Wagensdrift, 1002, Gauteng
Welkom by LekkeSlaap
Welkom terug!
Verander jou wagwoord?
Sluit by ons nuusbrief aan!
Skep ’n profiel om jou besprekings te bestuur
Teken by jou LekkeSlaap-profiel in
Vul jou e-posadres in om te begin
Teken in om spesiale aanbiedinge te ontvang