Desert Camp

Selfsorg

Soos Gesien op Instagram
Kapasiteit: 56 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas op die C27/D826, Sesriem, 0000, Hardap
Vanaf R2 700 per nag (plek vir 2)

Beskrywing

Desert Camp is slegs 5 km vanaf Sossusvlei en Sesriem se ingangshek in die Namib Nauklauft-park. Dit skuil tussen eeue-oue doringbome en bied 'n onoortreflike uitsig oor die woestyn en op die omliggende berge.

Dié billike selfsorg-eenhede beskik elk oor 'n en suite-badkamer, 'n beskutte stoep met 'n kombuisie, braaigeriewe, kragpunte en 'n parkeerplek langsaan. Elke slaapkamer het lugversorging, 2 enkelbeddens en 'n slaapbank wat vir 2 kinders jonger as 12 jaar geskik is. Dié kinders kan gratis met hulle ouers deel.

Geriewe in die hoofgebou sluit 'n volledige kroeg met 'n platskerm-TV, 'n swembad en 2 gemeenskaplike bomas in. Daar is WiFi by die kroegarea en ’n grootskerm-TV om nuus en sport te kyk. Sonstoele is rondom die swembad beskikbaar. Vars kosvoorraad kan daagliks by die ontvangs bestel word.

Vir groepe wat saam reis word 2 gemeenskaplike bomas voorsien wat ’n gerieflike plek bied vir gaste om saam te braai en te kuier. Die eerste boma is langs die swembadarea en die ander een is langs die kroegarea. Daar is ’n loopvlak wat beide areas verbind. Elke boma het ’n kombuis met ’n yskas, stoof, voorbereidingsarea, opwasgeriewe en ’n dienluik. Houtbanke kan op versoek voorsien word en die groot vuurput sorg vir ’n gesellige atmosfeer vir ’n braai.

Daar is 'n winkel wat goed van voorraad voorsien is, 'n internetkafee en brandstof by die Sossus Oasis-vulstasie. Daar is ook 'n restaurant by die Sossusvlei Lodge.

Opwindende woestyn-aktiwiteite in die omgewing sluit begeleide uitstappies na Sossusvlei, 'n staptoer na die Elim-duin, 'n sonsondergang-rit en skilderagtige vlugte oor die duine in. Dié aktiwiteite kan alles by die Sossusvlei Lodge Adventure Centre bespreek word.

Kry ’n Kwotasie

Dít is wat jy hier sal kry

Gratis, veilige parkeerplek

Swembad

Resensies

4.4/ 5

Gebaseer op 21 resensies

Baie goed

Netheid

4.6

Ligging

4.7

Waarde vir geld

3.9

Diens

4.3

Veiligheid

4.7

Gaste se hoogtepunte

Anne-mariè D

Saam met lewensmaat

5.0

Asemrowende natuurskoon. Was heerlik en het dit baie geniet.

Mrt 2024

Magda En Hannes B

Saam met lewensmaat

5.0

Was werklik fantasties. Ons het die sonsondergang en die sterre later geniet by 'n vuurtjie met 'n wyntjie.

Mei 2023

S K

Saam met lewensmaat

4.8

Sielerus. Heerlik, soos voorheen. Dalk kan net iewers aangebring word dat die sterrenag beter is sonder ligte wat deurentyd skyn van die bure? Mense i...

Sien meer

Des 2023

Andries L

Gesin met tieners

4.4

Aaan al die verwagtinge voldoen. Kon selfs rugby kyk op 'n groot skerm, lekker swem en heerlike warm bed on in te slaap.

Jul 2023

Rouan D

Gesin met klein kinders

4.2

Great and would book here again. It was clean, neat and had what you needed. The views were great and it is close to Sossusvlei.

Word in die oorspronklike taal vertoon.