Die Anker

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Baumeesterstraat 10, Velddrif Quays, Velddrif, 7365, Wes-Kaap
Vanaf R2 850 per nag (plek vir 8)

Beskrywing

Die Anker is 'n ruim selfsorg-vakansiehuis vir 8 gaste in Velddrif aan die Weskus, net 100 m van die Bergrivier af.

Die dubbelverdiepinghuis beskik oor 4 slaapkamers, 3 badkamers, 'n kombuis en 'n leefarea. Twee van die slaapkamers het koningingrootte-beddens en en suite-badkamers met storte, toilette en wasbakke. Die ander 2 slaapkamers het dubbelbeddens en gaste deel 'n badkamer met 'n bad, stort, toilet en 'n wasbak. 'n Gastetoilet en 'n buitestort met warm water is ook op die grondverdieping beskikbaar.

Die groot oopplan-kombuis is met 'n yskas-vrieskas, mikrogolfoond, stoof, oond, eetgerei, breekware en tee- en koffiemaakgeriewe toegerus. Etes kan by die toonbank of die etenstafel vir 8 geniet word.

Die sitarea het 'n TV met sekere DStv-kanale en WiFi is beskikbaar. Die leefarea het ook 'n ingeboude braai-area en 'n gasbraai.

Parkeerplek is in 'n outomatiese enkelmotorhuis. Daar is n wasmasjien beskikbaar. Daar is ook buitebraaigeriewe, sodat gaste kan visbraai terwyl hulle die sonsondergang geniet.

Die Anker is 700 m van verskeie restaurante af en gaste kan 'n rivierbootvaart geniet, op die Bergrivier roei, by die nabygeleë strande swem en voëlkyk by die rivier. Vredenburg is 24 km ver en Langebaan en Club Mykonos is net 40 km ver vir gaste wat hou van verken.

Kry ’n Kwotasie