Kan nie wag om weer te gaan kuier nie. Baie lekker gebly. Mynderd is 'n baie gawe en vriendelike gasheer. Hy gaan uit sy pad om seker te maak alles is perfek.

Pragtige see-uitsig. Ons verblyf by hierdie strandfront akkommodasie was regtig uitsonderlik. Die hoogtepunt was sonder twyfel die pragtige see-uitsig wat ons elke oggend begroet het—'n rustige en skilderagtige panorama wat ons verblyf onvergeetlik gemaak het. Die akkommodasie self was 'n perfekte mengsel van gerief en styl. Beide die binnenshuise en buiteshuise braai-fasiliteite was van hoë gehalte, wat ons in staat gestel het om gemaklike braaivleis te geniet, ongeag die weer. Of ons nou binnenshuis gekook het terwyl ons by die kaggel gekuier het of die vars see-briesie buite geniet het, die opstelling was ideaal vir ons behoeftes. Die beddens was van uitstekende kwaliteit, en die winterbedekking en kussingslope het 'n warm en gesellige toevlug gegee teen die koue weer. Dit was duidelik dat daar aandag gegee is aan 'n gemaklike en rustige slaapervaring, wat ons winterverblyf baie aangenamer gemaak het. Ons gasheer was ongelooflik behulpsaam en het alles in sy vermoë gedoen om ons te ondersteun. Sy vriendelike houding en nuttige aard het ons verblyf werklik verbeter. Sy hulp en plaaslike kennis was van onskatbare waarde, en sy bereidwilligheid om seker te maak alles is perfek, het beslis nie ongesiens verbygegaan nie.

Lekker gekuier by Mynderd. Baie lekker gebly en lekker gestap - veral na die Aristea skipwrak.

See-simfonie kuier vir baie unieke smaak van vakansie hou. Welkome tuiskoms en restourasie vir die siel. Goeie gasvryheid en die oopplan opset werk wonderlik. Die klank van die see met die wonderlike uitsig maak dit ñ onvergeetlike see vakansie ervaring. Die rustige en veilige omgewing maak dit nog meer die moeite werd. Dit bied restourasie aan die siel van die gejaagde stad bestaan, en gee vryheid en vrede. Dankie dat julle so wonderlike opset met ander deel, en bekostigbaar bly om soveel weelde te kan beleef, om die son te sien sak op die voorstoep oor die see, en die sterre saans te pluk, en aan die slaap te raak met die bruisende simfonie van die see.

Rustig, by die see, naby alles en tog los almal jou uit. Ja, baie lekker gekuier en gebly.

Karaktervolle blyplek naby die see en troeteldier vriendelik. Baai se plek is lieflik en karaktervol ingerig en van die naaste blyplekke aan die see. Lekker ruim, stil en lekker dat honde ook toegelaat kan word.

Gasheer is baie verwelkomend en hulpvaardig. Wonderlike kuiertjie gewees. Die Baai se Bek se eienaar is die beste gasheer wat ons nog beleef het. Hy is besorg oor elke fynere puntjie. Ons het heerlik gekuier en heerlik geslaap. Die stort was ook lekker groot en die warm water werk heerlik. Hondeklipbaai se mense het ons met ope arms ontvang en elkeen met wie ons te doen gehad het, was so vriendelik en wou graag behulpsaam wees met alles. Die 5 nagte en 6 dae wat ons daar vertoef het, was elke dag 'n ondervinding wat ons nog nooit gehad het nie. Ons het eenmaal vasgeval in 'n afdraaipaatjie wat 'n gewone voertuig nie moet vat nie. Ons kon terugloop tot ons 'n sein ontvang het om hulp te vra. Binne 5 minute was daar 'n baie vriendelike man daar om ons uit die sand uit te tou. Hondeklipbaai het ons net baie meer dankbaar gemaak met die gemak en weelde waarin ons daagliks leef. Daardie mense is tevrede met so min en aardse goed maak nie vir hulle saak soos ons waaraan ons so gewoond geraak het nie.

Hier vind jy weer jou siel! Het baie lekker gebly. Mynder die gasheer was baie behulpsaam. As jy hou van die stilte en isolasie, is dit die perfekte plek.

Heerlik, ontspanne, genotvol saam met goeie vriende. Sonder baie luukse dinge, maar heerlik gekuier! As die son ondergaan en jy 'n skoon bed en 'n warm stort het, is dit absoluut waarde vir geld. WiFi was nie lekker.

Nie baie impressed nie. Dit was ok, maar was teleurgesteld dat daar geen reëls op papier nie en geen WiFi nie. Die dorp het ons nie geval nie, baie agter uitgegaan.