Dit was hemel op aarde! Ons het dit verskriklik geniet by Die Blou Huis. Het heerlik gebly! Angela en haar man is vriendelik en behulpsaam en ons sien uit om weer daar te gaan bly. Pragtige en keurige blyplek van hoogstaande gehalte!

Goeie waarde vir geld. Het uit hul pad gegaan om my te akkommodeer. Baie netjies.

Mooiste huis. Ons het die beste tyd gehad by die blou huis. Dit is die mooiste huis en goed geleë van die strand. Ons was baie vriendelik ontvang. Ek sou definitief die plek aanbeveel vir enige persoon.

Goeie plek. Baie netjies en gerieflik. Jammer van gedurige kragonderbrekings weens foutiewe voorafbetaalmeter wat aan/af/aan/af gebreek het deur beurtkrag.

2 day stop-over. Short stopover on the way home.

Ons het heerlik gekuier, na aan die see en 'n baie veilige area. Sal definitief weer by Die Blou Huis vakansie gaan hou.

Absoluut wonderlik en waarde vir geld. Ek het een nag oorgeslaap. Super netjies ruim, gerieflik met basies alles wat ek nodig gehad het. Ek het veilig gevoel en die die area self is ook veilig. Informasie beskikbaar oor hoe alles werk en huisreëls. Baie vriendelike eienaar. Ek sal defnitief weer Die Blou Huis bespreek en die keer vir langer.

Perfek in elke opsig. Angela is die perfekte gasvrou, vriendelik, behulpsaam en altyd beskikbaar. Die verblyf is nuut, modern en perfek in elke opsig. Vier volwassenes kan met gemak daar tuis gaan. Sal definitief weer gaan besoek.

Heerlike verblyf en baie naby die see. Ons was drie vriende: twee dames en een man. Die Blou Huis het twee slaapkamers en was die slaapplek dus geen probleem nie. Die een kamer het 2 enkelbeddens vir die 2 dames gehad en die ander kamer 'n dubbelbed vir die man. Die kombuis is volledig toegerus, daar was handdoeke vir elke persoon en die gasvrou, Angela, het selfs vir ons 'n liter melk, beskuit en elkeen 'n energiesjokoladetjie gegee - héérlik! Ons het nie 'n motor gehad nie, maar indien wel, sou dit agter 'n elektriese hek parkeer kon word. Ons het 'n heerlike stil, rustige en veilige nagrus geniet. Daar was nie 'n see-uitsig nie, maar dit kan geniet word deur slegs 'n paar treë van Die Blou Huis af te beweeg. Sowat 'n 100 m van die huis af is daar ook 'n parkeerarea en 'n bankie waar mense kan gaan sit en 'n pragtige see-uitsig geniet. Ons het nie nodig gehad om kosaankope te doen nie, maar dit is ook baie naby, sowat 1,4 km weg. Daar kan selfs gestap word, alhoewel dit bult-op is soontoe. Om by die strand uit te kom, is daar 144 sementtrappies om mee af te stap, of daar kan per motor met 'n ompad na die strand gery word, wat natuurlik 'n kilometer of twee verder is. Die Blou Huis is uitstekend geleë vir mense wat die see wil geniet, maar tog ook meer privaat wil wees weg van die massas wat soms op stranddorpe en -oorde toesak. Dit kan dus met groot vrymoedigheid aanbeveel word vir enigiemand wat 'n wonderlike see-ervaring wil beleef, soos wat ons drie gehad het, al was dit net vir een nag.

Baie goed toegerus en silwerskoon. Dit is 'n pragtige plek, baie goed toegerus en baie skoon. Ons het lekker gekuier en sal beslis weer daar bly.