Die Eend

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 12:00 tot 21:00
Uitkloktyd: 11:00
Adres: 116 Unie-laan, Lyttelton Manor, Centurion, 0157, Gauteng
Vanaf R850 per nag, vir 2 mense

Beskrywing

Die Eend bied gerieflike selfsorgverblyf in 'n privaat tweeslaapkamer-eenheid in Lyttelton Manor, Centurion. Die verblyf is net 2 km vanaf Unitas Hospitaal geleë en naby alle geriewe. Die N1- en N14-hoofweë is maklik bereikbaar met beperkte verkeer.

Die eenheid bied slaapplek aan 5 gaste en beskik oor 2 slaapkamers, 'n badkamer, 'n kombuis en 'n TV-kamer met 'n balkon. Daar is 'n ekstra bed in die sitarea. Die eerste slaapkamer het 'n koningingrootte-bed en die tweede slaapkamer het 'n dubbelbed en 'n enkelbed.

Die kombuis is met 'n yskas, oond, stoof en 'n mikrogolfoond toegerus en die TV-kamer het 'n TV met die volle DStv-pakket en gratis WiFi. Daar is ook 'n stoep, diefwering en veiligheidshekke. Onderdakparkeerplek word voorsien.

Privaat kuier- en braai-areas met braaitoerusting is op versoek beskikbaar. Die eenheid is op 'n pypsteel-erf met 2 ingangshekke geleë. Groot bome skep 'n rustige en stil atmosfeer.

Daar is 'n swembad in die tuin wat gaste welkom is om te gebruik. Die swembad is nie omhein nie en kinders moet te alle tye deur 'n volwassene vergesel word.

Kry ’n Kwotasie