Die Karee Tuiste

Gastehuis

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Pretorius-straat 24, Postmasburg, 8420, Noord-Kaap
Vanaf R1 250 per nag, vir 2 mense

Beskrywing

Die Karee Tuiste is in 'n 19de-eeuse kothuis, onder 'n groot Karee-boom, wat in 'n gastehuis omskep is. Dit is in die dorpie Postmasburg in die hartjie van die Noord-Kaap. Die dorpie word omring deur ysterertsmyne, asook die Noord-Kaapse oop grasvlaktes met asemrowende sonsondergange.

Verblyf word gebied in 1 eksklusiewe gastekamer en 1 kothuis. Die gastekamer met lugversorging het 'n koningingrootte-bed en 'n en suite-badkamer met 'n stort, toilet en wasbak. Die kamer het 'n platskerm-TV en 'n werksarea met 'n lessenaar. Hierdie kamer lei op 'n stoep met 'n braai-area en gaste het toegang tot 'n aparte kombuisie met 'n yskas, mikrogolf, oond, wasbak, broodrooster en tee- en koffiemaakgeriewe.

Die kothuis beskik oor 2 slaapkamers met lugversorging en dubbelbeddens en gaste deel 'n en suite-badkamer met 'n stort, toilet en wasbak. Die oopplan-leefarea het 2 rusbanke en 'n platskerm-TV. Die kombuisie is met 'n yskas, mikrogolf, oond, wasbak, broodrooster en tee- en koffiemaakgeriewe toegerus.

Veilige parkeerplek is op die perseel beskikbaar en die verblyf is naby al die restaurante, winkelsentrums, apteke en geriewe in die dorp.

Kry ’n Kwotasie