Die Kelkie - Die Anker

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Seemeustraat 10, Simonstad, Kaapstad, 7945, Wes-Kaap
Vanaf R5 500 per nag (plek vir 10)

Beskrywing

Die Kelkie - Die Anker in Simonstad spog met 'n uitisg oor die hele Valsbaai en bied gerieflike verblyf aan gesinne of 'n groep vriende.

Die huis het slaapplek vir 10 gaste en beskik oor 3 stylvolle slaapkamers. Die hoofslaapkamer het 'n koninggrootte-bed en 'n badkamer met 'n stort-oor-bad, wasbak en toilet. Die tweede slaapkamer het 'n koninggrootte-bed en die derde slaapkamer het 2 enkelbeddens. Die tweede badkamer het 'n stort, wasbak en toilet. Daar is 'n werksarea wat nog 'n dubbelslaapbank vir 2 gaste het. Linne en handdoeke word voorsien. Verder is daar nog 'n dubbelslaapbank waarop 2 ekstra gaste kan slaap.

Die oopplan-kombuis is met 'n yskas-vrieskas, stoof, oond, mikrogolfoond, eetgerei, 'n skottelgoedwasser, breekware en tee- en koffiemaakgeriewe toegerus. Die etenstafel is sentraal in die area. Die sitarea het gemaklike rusbanke en 'n platskerm-TV. Gratis WiFi is beskikbaar.

Die stapeldeure bied toegang tot 'n sitarea en die onderdakdek het nog sitplek en lei na 'n vuurput waar gaste lekker kan sit en kuier. Verder is daar 'n swembad en Weber-braaigeriewe. Die eiendom spog ook met 'n pragtige see-uitsig.

Verder is daar veilige parkeerplek op die perseel en dit is stapafstand vanaf die strand.

Kry ’n Kwotasie