Die Melkstal

Rustige en lekker naweek weg.

Ons het baie lekker gebly. Die huis (ons het in die Melkstal huis gebly) het alles wat mens nodig het, met 'n kaggel binne en ook 'n lekker stoep buite om te kan braai. Dit is stil en rustig en presies wat mens nodig het vir 'n naweek weg. Die gasvrou was ook baie vriendelik en behulpsaam. Sal enige tyd weer daar gaan bly.

Wonderlike stilte! Geen of min selfoonopvangs. Het wonderlik gerus!

Ek het baie lekker gekuier!

Weggesteek, skoon, stil,plaas en baie basies.

'n Basiese houthuisie ideaal vir twee mense om weg te breek van die stad se geraas.

Rustig, stil en vredevol.

Definitief 'n rustige plek vir ontspan en son sit.

Wegbreek na die oopte.

Dit was heerlik om oop veld en mielielande om my te sien, net wat ons nodig gehad het. Die Melkstal is lieflik geleë en die pad daarheen was heeltemal rybaar, hoewel die paaie skade gekry het tydens die onlangse reën. Die kuier-areas het oral lekker verrassings en die plaasdam was 'n welkome swemplek vir die kinders. Ons het die groot stoep en braai vreeslik geniet!

Fantastic place for parents with young children.

There is a fantastic entertainment area which has a braai, pizza oven, pool and a jungle gym with a trampoline. The kids loved seeing the farm animals too.

Rustige plaasatmosfeer waar mens net kan rus en ontspan.

Die ervaring was asof jy 'n rustige plaaskuiertjie het.

Heerlike stoep.

Dit was 'n aangename naweek op die plaas. Die huis is baie aangenaam met goeie fasiliteite, maar dit was nie behoorlik skoon nie. Daar was ou vullis in die asdrom, en die toonbank in die kombuis, asook die stoof, was vuil. Die geiser is baie sensitief, dus het ons baie gesukkel om die water in die stort te reguleer.

Baie rustige, plaasatmosfeer.

'n Rustige wegbreek met 'n plaasatmosfeer. Vriendelike eienaars en baie behulpsaam met enige van jou behoeftes. Sal Die Melkstal beslis weer besoek.

Pragtige plaas en met al die moderne geriewe om heerlik te ontspan.

Hys Patrys was skoon en netjies. Die plaas is stil en ons het laatmiddag lekker gekuier op die groot stoep. Dit was heerlik om na al die naggeluide te luister. Ons kan die wegbreek uit die stad definitief aanbeveel. Puik diens aan almal by die Melkstal.

Rustige, behoorlike plaasatmosfeer.

Het die begeerte gehad om my kinders aan die plaaslewe voor te stel. Met die intrapslag het dit my dadelik die gevoel van ’n familieplaashuis gegee. Skape met lammetjies, boerbokke, perde, beeste, wilgerbome - my kind was verlief. Het dit so baie geniet. Die enigste nota is dat dit bietjie moeilik was om die water vir die stort te reguleer, maar dit kom saam met ’n plaas. Wees geduldig en reguleer klein bietjie op ’n slag en wag voordat jy verder stel.

Lekker.

Country living.

Lekker rustig op die plaas.

Was 'n baie lekker wegbreek. Ons het klein kinders saam gehad en het oor as genoeg gehad om te doen. Speelplek is groot en lekker naby aan huisie. Kinders het veral die zipline geniet. Die eenheid was lekker modern ingerig en beddegoed voel 5 ster. Ons was in Huis Patrys. Sal beslis weer gaan.

Lekker plattelandse wegbreek naby die stad.

Sommer onder 2 ure se ry vanaf Pretoria. Netjiese blyplek. Baie lekker speelplek vir die kinders, van trampolien, tot klimmuur tot Zipline tot 'n riviertjie en meer om by te speel. Lekker braaiplek. Naby aan die Vaaldam vir 'n maklike middagtrippie soontoe. Baie vriendelike en behulpsame gasvrou, Sarita.

Lekker naweekwegbreek.

Lekker buitespeelplek vir klein en groot. Plaasdiere wat rondloop is rustig. Beveel die plekkie aan vir enigiemand wat van die plaas hou. Gerieflike groot huis, maar dit was 'n bietjie koud. Daar is darem genoeg ekstra komberse.

Rustig, gerieflik en kindervriendelik.

Kinders het dit baie geniet. Heerlike wegbreek as jy rustigheid en stilte wil hê.

Stukkie hemel weg van die stad se gejaag.

Die Melkstal is 'n huislike, goed ingerigte ou melkstal waar die stadsmens weer kan gaan asemhaal. 'n Stukkie hemel waar mens die geluide van beeste, skape, donkies, tortelduiwe, tarentale en 'n kraaiende haan kan geniet. Die kamers is keurig versier. Die kombuis het alles wat jy nodig het. Die braaiplek is enige boerseun se droom, drie-poot potjie ingesluit vir potjiekos. Sarita is 'n vriendelike en hulpvaardige gasvrou. Ons gaan definitief weer daar kuier.

Baie lekker wegkom-plekkie!

Dit was rustig. Die diertjies is so vriendelik en ons was glad nie gepla deur enige iemand nie. Alles was 100%.

Absoluut awesomeness.

Ek het daar 'n baie kosbare ontmoeting met Abba Vader gehad. Daar het Hy die skape en die bokke en die perde gebruik - selfs die natuur - om met my te praat. Innerlike genesing met en deur Abba Vader se eie skepping. Ek sal beslis were soontoe gaan.

Awesomeness.

Beslis 'n aanbeveling! Rustigheid waardeer. Eienaars baie gaaf en vriendelik - het 'n mens baie tuis laat voel.

Heerlik ontspan, daar is geen internet of TV, min selfoonopvangs en dit was presies wat ons nodig gehad het.

Die huis is baie prakties ingerig, en die huis en plaas met die plaasdiere bring herinneringe van sorgvrye kinderjare terug. Die plaaseienaars is pragtige mense, baie gasvry. Ons gaan hierdie wegbreek 'n gereelde instelling maak.

Heerlike ontspanne plaasvakansie.

Baie dankie aan Sarita en Kobus vir uiters gasvrye ontvangs. Alles was in plek en het goed gewerk. Ekstra moeite is gedoen. 'n Heerlike plaaswegbreek wat ons baie geniet het. Eenheid is verstommend goed toegerus. Alles wat nodig mag wees is daar. Plaasdiere en voëllewe baie geniet.

Heerlik rustig.

Lieflike selfsorg-eenheid, toegerus met als wat mens nodig het vir sorgelose verblyf.

Fantastiese, tipiese plaasplekkie vir wegbreek.

Die huis, diere, dam en eienaars. Als "cozy", ontspannend en welkomend. Heerlike naweek gehad. Baie dankie.

Fantasties.

Beste naweekwegbreek ooit.

Vreedsame stil omgewing.

Dit is 'n plek wat oorloop met vrede en stilte. Weg van geraas en verkeer. Baie dankie dit was heerlike. Sien DV volgende jaar weer.

Rustig, netjies, kos vir die siel.

Wat 'n lekker, rustige wegbreek. Sarita het ons baie welkom laat voel, en al plekkie was baie netjies en skoon. Baie stil en rustig. Net wat mens nodig het om weg te breek van die stad se geraas. Sal beslis weer teruggaan. Baie baie dankie, Sarita!

Uitstekend.

As jy wil wegkom van 'n besige lewe, dan is dit die plek vir jou.

Verkwikking vir my siel.

Dit was wonderlik en mense so gasvry. Niks was te veel gevra nie en die geriewe was uit die boonste rakke. Kan nie wag vir die 2de kuiertjie nie!

Sprokie vir 'n stadskind.

Moeg vir die lawaai en rottereis van die stad? Die Melkstal is naby aan Johannesburg geleë en maklik bereikbaar. Die slegte selfoonsein en geen TV maak seker jy spandeer kwaliteittyd saam met jou hartsmense. Waarlik rus vir die siel en liggaam. Die eenheid is toegerus met alles (en meer) wat jy in jou kombuis nodig het. Dis netjies en gesellig. Die gasheer en gasvrou laat mens onmiddellik welkom voel. Die prentjiemooi omgewing en sielerus is waarlik 'n 'Sprokie vir 'n Stadskind'.

Lekker verblyf in koue wêreld.

Die plekkie is klein en koud, hoewel die lekker groot braai-area in die somer opmaak daaroor, maar dit was te koud om buite te verkeer. Kobus en Sarita is pragtige omgee-mense wat ons tydens beurtkrag genooi het vir koffie op hulle houtstoof gemaak. Mooi, stil wêreld so op die plaas. Lekker foto-plek vir die fotograaf.

Heerlike plaaslewe.

Dit was heerlik - wat dit besonders gemaak het: die kinders kon vry wees en die plaaslewe geniet.

Baie lekker rustig.

Baie oulike plek, goed toegerus en baie rustig as jy net wil wegkom en rus. Daar is nie baie syn nie wat baie lekker was.

Vreeslik lekker gewees.

Lekker rustig en tyd vir mekaar te maak. Net vreeslik vlieë bedags wat nogal lastig is. Wonderlike plekkie.

Rustige wegbreek op die voorstoep van die stad.

Die plaasdam-swembad is 'n wenner in die warm weer. Mak plaasdiere het die stadsjapies ure vermaak. Heerlike wegbreek uit die stad.

Inligting moet opdateer word op die webtuiste.

Nie tevrede omrede die vrou eers gesê het toe ons daar kom dat hulle toe is vir die wintermaande, so my bespreking was bevestig en als en dan was die plekkie nie eers gereed vir ons nie, siende ek moes sukkel met warm water.

Such a fantastic holiday!

Wonderful location. Perfect place to watch children be children and for adults to relax and be able to breathe!

Lekker wegbreekplek vir die groep van ons. Vriende, kinders en familie!

Dankie, Sarita, vir jou gasvryheid! Die kinders het die plaas vreeslik geniet. Die huis is ruim en stylvol versier. Die kaggel in die huis en die groot stoep buite was ons gunsteling-plekke om te vertoef. Alles van die beste vir die toekoms.

Fantasties.

Dit was skoon en mense was vreeslik besorgd oor ons! Ongelooflike lekker stoep en baie beskut! Ons was net meisies met n klein baba. Mense het op ons opgecheck maar nie teveel nie. Het veilig gevoel en goed gerus! Daar is alles wat jy in 'n leefhuis sal benodig. Donkie was heeltyd gestook so water was lekker warm! Ons vat definitief binnekort ons mans saam!

Baie rustig, definitief die regte plek om net weg te kom van die geraas af!

Ons was deur so 'n vriendelike gasheer ontmoet. Die kamers is netjies en pragtig.

Die regte plek as jy wil wegbreek van die stad en rustigheid soek vir jou lyf en siel.

Was heerlik, rustig, mooiste sonsopkoms en ondergang, terug na die natuur, rus vir jou lyf en siel, en ons het dit baie geniet.

Stay was comfortable.

The stay was good, comfortable. Owner was friendly and helpful. Only a problem with the shower, water comes out too slow and the water temperature does not stay constant.

Baie lekker en skoon geriewe. Een probleem volg, daar was geen koffie, suiker of tee beskikbaar nie.

Die Melkstal is 'n baie lekker plek om 'n rustige naweek by te spandeer. Die geriewe is skoon, netjies en aangenaam. Die ligging is bietjie van 'n problem met ten minste 30 km se reis na die naaste winkel of toeriste-aantreklikheid. Word sterk aanbeveel vir mense met 'n lus vir die 'plaaslewe'. Oor die algemeen was ek en my meisie baie gelukkig met die plekkie en sal weer 'n draai kom maak