Die Moerbeiboom

Selfsorg

Gratis kansellasie tot 24 uur voor jou verblyf!
Kapasiteit: 14 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Jan Marx-straat 25, Langenhovenpark, Bloemfontein, 9300, Vrystaat
Vanaf R900 per nag, vir 2 mense

Beskrywing

Die Moerbeiboom bestaan uit lieflike selfsorg-eenhede in die hartjie van Langenhovenpark. Dit is ideaal vir gesinne of paartjies. Die eienaars woon ook op die perseel.

Die perseel beskik oor 4 eenhede: Green Leaf-, Grey Crown-, Blue Shade- en Autumn-eenhede.

Green Leaf het slaapplek vir 'n maksimum van 3 gaste en ekstra slaapplek vir 1 kind. Daar is 'n koningingrootte-bed en 1 enkelslaapbank, asook n uittrek kindermatras onder die slaapbank. Die badkamer het 'n stort, wasbak en toilet in. Ander geriewe sluit 'n kombuis, yskas, tee- en koffiemaakgeriewe, lugversorging, 'n TV en WiFi in.

Grey Crown het ook slaapplek vir 3 gaste en het 'n koningingrootte-bed met 'n enkelslaapbank. Die badkamer het 'n stort, wasbak en toilet. Ander geriewe sluit 'n kombuis, yskas, tee- en koffiemaakgeriewe, lugversorging, 'n TV en WiFi in.

Blue Shade het slaapplek vir 4 gaste en het 'n koningingrootte-bed met 'n baie gerieflike dubbelslaapbank vir 2 persone. Die badkamer het 'n stort, wasbak en toilet. Ander geriewe sluit 'n kombuis, yskas, tee- en koffiemaakgeriewe, lugversorging, 'n TV en WiFi in.

Autumn het slaapplek vir 3 volwasses en 2 jong kinders wat 'n dubbelslaapbank kan deel. Daar is 3 enkelbeddens waarvan 2 teen mekaar gestoot kan word om 'n koninggrootte-bed te skep. Die badkamer het 'n stort, toilet en wasbak. Daar is ook 'n kombuisie wat met 'n yskas, mikrogolf en tee- en koffiemaakgeriewe toegerus. Daar is ook 'n TV en WiFi. Hierdie eenheid het ook lugversorging.

Gaste het toegang tot 'n swembad en daar is ook braaigeriewe wat op versoek beskikbaar is.

Aktiwiteite in die area sluit 'n wandel of draf op die nabygeleë veld in en daar is ook bergfietsroetes. 'n Aantal wegneemeteplekke en restaurante is in die omgewing beskikbaar.

Kry ’n Kwotasie