Die Stal

Huis weg van die huis!

Lieflike ondervinding.

Hemel op aarde.

Baie dankie vir julle gasvryheid, ons het met die intrapslag al tuis gevoel. Akkomodasie was puik en kommunikasie was ook puik, was heeltyd op hoogte gehou van veranderinge en enige nuus. Dankie almal, ons was hemel toe en terug.

Heerlik rustig en gerieflik.

Ons was vir die derde keer by Die Groenhuis. Hierdie keer was my suster en swaer uit Graaff-Reinet saam met ons, en ons het Die Stal as geheel - kombuis en al - tot ons beskikking gehad. Alles was volledig, gerieflik en netjies. Ons het 'n vriendelike en gasvrye ontvangs en diens ontvang.

Baie baie lekker.

Het baie lekker gebly. Die huis het alles wat mens nodig het. Lekker gebraai, sterre gekyk en ontspan. Jens het uit sy pad gegaan om aan enige versoek te voldoen. Al die inligting wat hy deurgestuur het, was so interessant. Personeel ook baie vriendelik. Sal beslis weer daar oorslaap.

Rustige plaas atmosfeer in 'n klein dorpie, met baie geskiedenis.

Ons was regtig verras by die Die Stal. Dit was netjies, groot en ruim met alles wat ons nodig gehad het. Die bietjie geskiedenis by die ou gebou en dorpie was die kersie op die koek.

Lekker ou platteland.

Die Stal is 'n pragtig gerestoureerde drieslaapkamerhuis. Elke kamer met 'n en suite-badkamer waar mens gerieflik baie langer as slegs een nag kan deurbring met goeie vriende of familie. Jens het vooraf baie inligting deurgestuur wat baie gehelp het met hoe om te ry, wat om te verwag, oor die dorp, waar om te gaan eet, ens. en ons geakkommodeer toe ons twee keer die datum van ons verblyf moes verander. Thembi het ons baie vriendelik ontvang. Ons het heerlik by die Pitstop geëet en ons hond was daar ook baie welkom soos by Die Stal. Ons sal beslis weer daar oornag. In ons slaapkamer en in die kombuis was ligte wat aangekom het tydens beurtkrag. Dit het baie gehelp toe ons die oggend vroeg wou vertrek tydens beurtkrag en is 'n bedagsame toevoeging tot die verblyf.

A perfect stop on our way back from Cape Town.

What a perfect stopover. We chose to use the braai facilities but the smell of dinner being prepared in the kitchen was mouthwatering. Jens was informative with lots of insight sent via Whats App prior to our arrival. The staff were warm and friendly and the accommodation was superbly clean. Would highly recommend Die Stal to anyone travelling back from Cape Town and looking for a quiet rest over far enough away from the main road but close enough to access again in the morning.

Rustig en verfrissend!

Baie lekker gebly en goeie diens ervaar deur die span by Groenhuis.

'n Geskiedkundige plekkie propvol karakter.

Die stal is 'n pragtige plekkie vol herhinneringe en dit voel of jy in 'n monument slaap. Die boek wat geskryf is deur die eienares was vreeslik interesant.

Netjiese verblyf in historiese Karoo.

Ons oornagverblyf by Die Stal was baie netjies en gerieflik. Ou historiese stal wat in akkommodasie omskep is. Boonop hondevriendelik met groot omheinde grasperk. Lekker braaigeriewe. Enigste nadeel was die slegte kondisie van paaie na en van Philippollis.

Amazing!

We had an incredible time at Die Stal. The cottage is absolutely beautiful and the peace and quiet was exactly what we needed after a long drive from Cape Town. We will definitely stay here again.

Plattelandse gasvryheid soos altyd!

Verwag vriendelike diens en baie netjiese verblyf! Ek beveel enige van die Groenhuis se verblyf-opsies baie graag aan.

Fantasties vir die siel.

Ons was dalk minder as 24 uur daar maar wat 'n fantastiese plek. Dis regtig wat 'n mens se siel nodig het, volgende keer bly ons langer. My honde het die plaaslewe geniet.

Smaakvol, rustig en baie gerieflik.

Ons het hier oornag, en vind die dorpie baie oulike en ryk met geskiedenis. Die gastehuis is baie stylvol en gerieflik; en die eienaar het self in die dorp groot geword, en is baie behulpsaam. Die kos van hul restaurant was ook tops en word sterk aanbeveel!

We had a fantastic stay! They go the extra mile to ensure their guests are comfortable and satisfied. Tammy is a wonderful cook and she provided us with a delicious birthday dinner.

We recommend Die Stal.

Baie lekker rustige kuier, met heerlike kos, sal enige tyd weer daar oorbly.

Baie lekker stil omgewing. Heerlike kos. Akkommodasie is modern saam met die oud - baie mooi! Heerlik stil geslaap en heerlike plaasatmosfeer.

Warm and welcoming hosts. The gardens and various locations have been beautifully renovated and really well-maintained. Will definitely stay there again.

Hosts are charming, interesting and incredibly welcoming. The gardens are very well-maintained and the pride of the owners is very evident. Will be coming back every year.

'n Versteekte Diamant.

In plaas daarvan om weereens in Colesberg oor te slaap, het ek besluit om 'n nag in Philippolis deur te bring. Dit was ongelukkig al laat, maar ek was aangenaam verras met my ontvangs by Die Stal, en wens ek kon klein bietjie langer kuier! Pragtig netjies, die mense so vriendelik en die geriewe fantasties.

Baie lekker en oulik!

Dis 'n baie oulike opset en ons het heerlik gebly en gekuier! Hulle doen baie moeite!

Perfect for a family with dogs travelling between Cape Town and Johannesburg.

We extended our stay because the reviews were good and there was enough space for our family. We needed the gated garden especially as our dogs are big. We had a lovely Karoo meal and warm beds heated by electric blankets. The dishes were done for us without requesting so and had fresh towels delivered. Jens and his team arranged a bath for our children in a separate unit. We received great comms with updates on the weather and attractions around Philippolis. Thank you for a lovely stay.

Vars en positiewe plattelandse ervaring.

Jens het breedvoerig en baie doeltreffend met ons vooraf gekommunikeer. Toegangspaaie na Philippolis se toestand raak problematies (slaggate). Die Stal was fantasties opgradeer tot 'n fasiliteit wat alles bied vir besoekers. Die kleurvolle en pragtige ou meubels en ander oudhede en boeke skep 'n fantastiese atmosfeer. Die ontvangs was hartlik. Die personeel is baie vriendelik en behulpsaam. Ons het die aandete opsie gekies en was oorweldig met 'n heerlike, baie groot porsie boerekos. Die kragonderbrekings was ontwrigtend, maar genoegsame noodligte was voorsien. Die baie insiggewende boek oor Philippolis, geskryf deur die eienaar self, was boeiend en bied 'n wonderlike beeld van die dorp, sy geskiedenis, die mense, besienswaardighede plaaslik en in die omgewing. Ons beplan om weer die Stal te besoek om al die interessanthede te besoek. Ons bed het gehalte beddegoed gehad, maar die gekraak en raserige houtvloere was al wat ons gepla het. WiFi by die wooneenheid sal baie help. Dankie vir 'n puik verblyf!

Privaatheid, rustigheid en ouwêreldse sjarme.

Jens, eienaar van Die Stal, het vooraf 'n hele klomp interessante en nuttige stukkies inligting oor Philippolis en die akkommodasie, asook die beste paaie om daar te kom, aangestuur. Verder het hy gereeld met ons kontak gemaak om ons op hoogte te hou van ons verblyf. Die Stal-huisie is vol interessante, antieke stukke en publikasies. Tydens beurtkrag, was daar flitse beskikbaar en enige probleempies is vinnig uitsorteer. Die badkamers is ruim en skoon en die beddens baie gemaklik. Dit is definitief 'n plek om te gaan besoek as jy daarvan hou om ons kleiner dorpies te verken.

Rustig.

Ons is baie vriendelik ontvang deur die personeel. Die aandete was baie lekker. Die plek is netjies en skoon en is so stapafstand uit die dorp.

'n Wonderlike inrigting van 'n ou stal in gaste huisvesting.

So kreatief en smaaklik ingerig. Die gasvryheid en gepaardgaande diens is meer as wat te wagte was: die deurstuur van die week se verwagte temperature; kontakbesonderhede van moontlike aktiwiteit insluitende 'n ete op Ou-Kersaand.

We loved everything about our stay.

We (2 adults, 1 pooch) loved everything about our stay here. The hosts are very friendly and accommodating, the property is gorgeous with a magical garden. We absolutely loved our supper too. Would highly recommend it.

'n Ware juweel.

Perfekte blyplek, ek sou nog 'n week kon gebly het! Was heerlik om die windpomp te hoor, heelwat in Philippolis om te sien en sterrekyk is 'n moet! Sien julle definitief weer.

Wonderlike kuier. Ons was al 'n hele paar kere daar. Sal altyd weer teruggaan.

Baie netjiese geriewe. Pragtige slaapkamers!

Heerlike verblyf in Philippolis.

Gerieflike verblyf en troeteldiervriendelik! Groot omheinde erf vir ons honde om rond te beweeg. Ons het net een aand oorgeslaap op pad Kaapstad toe en is gul ontvang deur Madelein. Ons het uitgery Waterkloof toe en met ons terugkeer was daar lekkernye op die stoeptafel - heel onverwags en baie lekker! Ek sal weer oorbly met 'n volgende besoek en meer die area verken na die pragboek van Jens wat die geskiedenis uitbeeld.

Heerlike ervaring. Pragtige kunstige huisie vol ekstra bederfies.

Ons aankoms was klaar n bederf. Ons is hartlik ontvang met sjerrie en biltonghappies. Die gasheer-eienaar is vriendelik en professioneel. Die huis is absoluut kunstig met houtvloere en antieke meubels. Kunstig met soveel ekstra gemak en dinge. Daar was nartjies op die tafel en lekker beskuit. Klomp soorte koffie en tee en selfs my gunsteling Earl Grey tee. Die badkamer is prentjiemooi met 'n pootjiesbad. Die water is warm. Daar is 'n windpomp in die erf. Ek wens regtig alle mense kon hierdie heerlikheid ervaar.

Best stop over stay in Philippolis.

Nicely decorated and newly renovated. Super clean. Great and friendly staff welcome. Very attentive and very helpful. Nice tough to have books in the room related to the Karoo and area.

Baie oulike plek, netjies en rustig.

Ek het baie lekker gebly in die kothuis. Die ligging (op die rand van die dorp) is ideaal om mens die "plaasgevoel" te gee sonder dat jy kilometers ver hoef te ry op rowwe grondpaaie om jou bestemming te bereik. Die uitsig, sterrehemel en lekker kuierstoep maak van dit 'n unieke en baie aangename belewenis.

Gasvryheid in die oortreffende trap. Netjiese skoon verblyf in ‘n mooi omgewing.

Die plattelandse besoek het ons teruggeneem na vergange tye. Die Opstal is kunstig ingerig en die tuin ‘n regte oase. Aandete, soos vooraf gereël was smaaklik en vullend. Die gasheer, Jens Friis, en sy span het ons gehelp om gemaklik en ontspanne ons reis verder te geniet. Linne en handdoeke spierwit en huisie netjies en skoon. Die teerpad soontoe is ook in ‘n goeie toestand.

'n Dag in die verlede met styl.

Rustigheid in elke manier. Wonderlik kos! Sien julle gou weer.

Sien sterre.

Dit was ’n heerlike ervaring. Sal definitief weer gaan en die keer langer wil bly.

Perfect!

We had an overnight stay at die Stal and it was perfect! So clean and neat. Jens was hospitable and made sure we were settled in. The lady at die Groenhuis was also lovely and friendly when we went to get the keys. We enjoyed our stay and will definitely be back. A big thank you!

Oorweldigend, het nie dit verwag nie.

Ek het onmiddellik met aankoms probeer reël vir nog 'n aand se verblyf, groot teleurstelling dat ons 15 minute te laat was. Ons wou nie oppak nie, dit was hemels.

Wonder hosts and food and location.

Peaceful`place. Food good. Great swimming pool.

Lekker plaasatmosfeer.

Het die hoenders, ganse en ander geveerdes geniet op die werf. Gerieflike kamers met puik badkamers met genoeg warm water. Sal weer daar gaan kuier.

Heerlik, wonderlik, lekker.

Uitstekende diens. Lekker stil. Heerlik gerus. Diere is goed behandel, almal is bederf.

Baie lekker.

Baie lekker gebly en geëet.

Die omgewing is rustig en pragtig mooi.

Baie netjies en skoon, kwaliteit beddegoed, en ideaal om weg te breek van die besige stadslewe.

Authentic Karoo/platteland stay.

Warrants more than just one night - will stay longer soon.

Karoo-dorp op sy beste.

Baie vriendlike mense. Skoon en netjies. Dis ‘n moet!

Rustig, lekker, aangenaam.

Een nag is net nie genoeg nie, sal maar weer moet gaan. Die kos was uitmuntend en die gasvryheid uit die boonste rakke.

Bly vir 'n dag of 'n week.

Philippolis is 'n bekoorlike dorpie en Die Stal 'n heerlike plek om te oornag. Daar was vars plaaseiers in die kombuis, en Elsa het weereens 'n heerlik bord kos vir aandete voorsien. Hoop ek kan volgende keer langer bly.

Skoon, netjies en baie rustig!

Ons het lekker gebly, kan beslis aanbeveel!

'n Heerlike kuier in 'n pragtige huis - wat 'n aangename verrassing!

Die gasheer was baie behulpsaam, vriendelik en het ons laat tuis voel. Die huis is pragtig toegerus, met mooi oudhede, maar smaakvol en het als wat jy nodig het. Die plaasatmosfeer was 'n lekker bonus en ons honde kon heerlik rondhardloop. Ek kan Die Stal definitief aanbeveel.

Pragtige, netjiese plek. Vriendelike, gasvrye mense.

Goeie waarde. baie netjiese plek. Karoo-gasvryheid. Pragtige dorpie.

Gasvryheid, uiters netjiese en keurige akkommodasie.

Pragtige splinternuwe plek, ontwerp met presies als wat mens nodig het vir 'n oornagplek en selfs langer verblyf. Meubels en alle toerusting spreek van goeie smaak en hoë kwaliteit. Ideaal vir 'n gesin met 'n troeteldier.

Stille vrede.

Ons het tydens ons reis van Bloemfontein na Kaapstad hier oorgeslaap. 'n Effense afwyking van die N1, maar die paaie wat ná en van Philippolis lei, was goed in stand gehou ten tye van ons besoek. Jens het persoonlik kom groet en saam deur die huis gestap om te verduidelik waar alles is. 'n Uiters ervare gasheer met in diepte kennis van die omgewing (soos gesien kan word in die koffietafelboek in die huis wat met sy naam as outeur pryk). Die Stal is 'n pragtig gerestoureerde gebou, ruim en skoon met al die nodige geriewe vir selfsorg. Die kraakwit linne en dik duvets oor elke bed is 'n lekker bederf. Die hoogtepunt is egter die stilte en vrede wat ervaar word wanneer mens laatmiddag op die stoep kan sit en kyk hoe die laatmiddaglug in 'n sterrenag verander. Ons beveel Die Stal beslis aan!

Karoo wonder.

Die Stal is perfect. It is clean and has ample space. We enjoyed sundowners on the stoep and had a lekker braai. Would highly recommend this spot. The stoep is enclosed and perfect if travelling with pets. Jens is a hospitable host. If you would like to know more about the town, Jens is the right guy to talk to.

Kan dit vir seker aanbeveel!

Oom Jens ‘n ware heer, het so lekker gesels, die huisie is silwerskoon en baie netjies, het niks gekort nie, dekor baie interessant en mooi.

Ongelooflik.

Baie baie ongelooflike plek. Sal langer wil bly om die plek te sien.

Uitstkende verblyf.

Ons gasheer was baie aangenaam en behulpsaam gewees. Die verblyf is uitstekend ingerig. Dit is baie skoon en netjies.

Rustige Vrystaat-wegbreek.

Lieflike geskiedenisryke dorpie en woning met 'n wonderlike gasheer en rustige plaas-atmosfeer!

Lovely home.

This was our second stay-over, Die Stal is a lovely home with all necessary comforts catered for.

Waarde vir geld.

Jens was 'n vriendelike en wonderlike gasheer. Ongelukkig het ons beurtkrag gehad en die water het ook afgegaan. Dit het dinge bietjie moeilik gemaak met klein kindertjies. Ons sal wel Die Stal aanbeveel en weer daar verbygaan.

Ons het Philippolis se plaasatmosfeer ervaar.

Met die windpomp in die tuin sal ons Die Stal altyd onthou. Alhoewel die kombuis/leefarea aandag benodig, het die feit dat ons lekker kon slaap, daarvoor opgemaak. Knus met reën op die sinkdak was spesiaal.

Pragtig, netjies en gerieflik!

Dit was 'n voorreg om tuis te gaan in Die Stal. Die eenheid is baie goed toegerus en bekoor met ouwêreldse meubels, muurstories en hope plattelandse karakter. Baie dankie vir die mooi ervaring!

Baie skoon en netjies.

Die verblyf was onberispelik skoon en netjies. Die meubels het ons terug gevat in tyd, wat 'n belewenis. Die stilte en plattelandse atmosfeer is onbeskryflik. Dankie Jens vir die gasvryheid, wat n belewenis, ons sien jou definitief weer.

Netjies, rustig en silwerskoon.

Jens was 'n wonderlike gasheer. Hy het inligting oor die area gelaat wat baie interessant was. Die plek was blinkskoon en uniek. Ons het ons oornag terdeë geniet. Baie dankie.

Pragtige ou huis, baie rustig en skoon - alles op plek.

Ons is dadelik vriendelik ontvang, Mnr Friis baie aangenaam, het ons na blyplek vergesel, alles verduidelik en ons rustig gelos om te rus. Kan nie vir beter vra nie.

Lekker en gerieflik gebly.

Verblyf is gerieflik en baie netjies. Die eienaar was baie vriendelik en het interessante stories met ons gedeel. Ons het die heerlikste skaapstertjies en skaaptjoppies by die Philippolis Karoo Deli gekoop wat ons die aand by die gastehuis gebraai het.

Ons het lekker gebly.

Dis 'n lekker outydse plaashuis. Die eienaar is baie vriendelik en het ons tuis laat voel.

Heerlik geslaap in die plaashuis.

Dit is ‘n unieke, ruim ou plaashuis wat mens sommer na jou ouma en oupa laat verlang. Baie vriendelike ontvangs.

Unieke, sielsverrykende plek, rustigheid onder die sterre, perfek na 'n lang dag van die Kaap af.

As jy ietsie soek wat nie op die hoofpad is nie en waar jy die stilte kan hoor en voel is Die Stal 'n perfekte keuse, sou bitter graag meer as net een nag wou oorbly. Pragtige woning, geselligheid van die eienaar was fantasties, dadelik skoene uitgeskop en net vertoef. Heerlik gebraai. Sal vir seker weer daar stop. Dankie!

Goed toegeruste selfsorgverblyf in karaktervolle plattelandse dorpshuis.

Ná 'n lang dag op die pad terug vanaf ons vakansie in die Kaap, het ons die middag ongeveer 18:00 by Die Stal gearriveer. Jens, die eienaar, het ons persoonlik kom ontmoet, die ligte kom aanskakel, en seker gemaak dat ons gemaklik en veilig is. Die huis is goed toegerus, en die huislike atmosfeer met mooi antieke meubels het ons dadelik laat tuis voel. Jens het ons ook verwys na 'n plaaslike restaurant, wat binne stapafstand van Die Stal was, en waar ons vriendelike diens, uitstekende kos in 'n mooi tuin onder die Vrystaatse sterrehemel kon geniet. Voorwaar 'n rustige en wonderlike verblyf ervaring by Die Stal!