Die Stoep

Wonderlike naweek!

Baie dankie. Ons het baie lekker gebly en sal definitief weer daar bly.

Lekker kuierplek.

Was vir familiekuier op Calitzdorp.

Comfortable home with everything a traveller needs. Very centrally located.

This quirky home has more than what is needed. Sally provided loads of information on the area and we were met by our friendly "gatekeeper" Frans. Definitely worth a return visit.

Die Stoep is 'n pragtige ou huis en dit was 'n goeie oornagplek.

Die pragtige ou huis is netjies en goed toegerus. Dit is binne stapafstand van goeie restaurante. Veilige parkering.

Gerieflik, goed toegerus en alles onder een dak.

Dis 'n pragtige omgewing, die dorpie toegevou tussen die berge, absoluut beeldskoon.

Veilig, gemaklik.

Heerlik gekuier en ontspan. Die privaatheid was 'n bonus en die huis is gerieflik en dekor pragtig. Ons sal beslis weer wil kom.

Pragtige huis met swembad.

Ons het lekker gaan wynproe op 'n warm lente dag. Ons was vriendelik ontvang deur Frans en het toe dadelik in die swembad gaan afkoel! Die geriewe is perfek. Ons sal vir seker weer gaan!

Pragtige gebou geleë in die hartjie van Calitzdorp!

Ons was 'n groep bergfietsryers wat die Cross Cape fietsroete aangepak het en die verblyfgeriewe by Die Stoep in Calitzdorp het ons behoeftes ideaal gepas. Spesiale dank aan Frans wat al ons spyseniering op versoek gereël het en Sally vir die verblyfreëlings. Ons sal vir seker weer daar oorbly!

Stil, baie spasie en lieflike swembad.

Baie aangenaam verras met al die spasie en geriewe. Sal weer gaan met vriende of famillie.

Lieflike groot huis, slaap 10, goed ingerig.

Die huis is binne loop afstand van winkels, restaurante. Besoek gerus De Krans en Boplaas vir heerlike wyne.

Die beste in die geweste!

Die Stoep bied alles en nog meer. Dit was soos 'n tuiskoms. Daar is voorsiening gemaak vir elke moontlike behoefte, lugversorging in al 3 kamers, waaiers in die res van die vertrekke, 'n goed toegeruste kombuis met enigiets wat 'n mens kan benodig, 'n oulike kroeg, wonderlike binnehof met lang kuiertafel en onderdakbraai, swembadjie met aparte kuiertafel, so kan ek vir nog baie lank aanhou. Vir seker sal ons met elke besoek aan hierdie pragtige dorp by Die Stoep tuisgaan. Die huis was ook baie skoon en ons is hartlik verwelkom deur Frans.

Lekker

Baie lekker familiehuis.

Twee nagte saam met eggenoot, vriende en my seun. Fietsry in Klein-Karoo.

Ons het na akkommodasie vir sowat 6 mense gesoek en Die Stoep het uitstekend aan hierdie behoefte voldoen. Die buurvrou, Shirley was uiters behulpsaam en positief en het baie daartoe bygedra om ons hele groep se ingesteldheid positief te beïnvloed. Die huis is netjies en ons het alles gevind wat ons nodig gehad het.

Heerlike swembad en lekker kuier areas. Ons kinders (drie onder 5 jarige ouderdom) het die voer van die voëltjies in die tuin baie geniet.

Ruim, skoon huis met genoeg speelruimte en klein swembad. Gerieflike kamers , genoeg badkamers en gemaklike beddens. Die area was stil deur die nag en die huis is baie veilig met parkering van die straat af vir ons voertuig. Toevallig het die swemarea 'n buite kragpunt wat baie gerieflik is om 'n kamp-yskas oornag in te prop.

Pragtige Karoo huis.

Die stoep is werklik 'n pragtige, skoon en netjiese huis. Die huis is baie ruim. Die diens is ook fantasties.

Die Stoep doen sy naam gestand, ons het oggend, middag en aand op die binnestoep gekuier!

Baie dankie vir 'n heerlike kuier by Die Stoep. Dit is 'n heerlike kuierhuis en het steeds sy unieke Karoo-huis vertrekke, hortjies en hoë plafonne. Die binnehof met braai is absoluut fantasties! Ons het heerlik hier gekuier, selfs reën te spyt. Kommunikasie met die eienaar was uitstekend. Alles was mooi skoon en netjies.

Wow, wow, wow! Mooiste plek wat ek al ooit in gebly het.

Ek is 'n fasiliteerder en werk regoor die land. Het al in so baie mooi plekkies gebly. Maar Die Stoep was sowaar die beste plek wat ek al ooit in gebly het. Ek het my ma en hondjie saam geneem en altwee was versot op die pragtige huis. Ons sal vir seker weer daar gaan bly.

Prachtig huis.

Een zeer groot en mooi ingericht huis met alle comfort. Leuk zwembadje.

Lekkerste kuierhuis, en sal oor en oor hier kom bly.

Fantastiese huis, fantastiese ontvangs en kommunikasie. Die plek om te bespreek in Calitzdorp. Heerlik vir 'n groot groep vriende.