Ons 6 het die Boesmanskloof-staproete gedoen. Voor die tyd het ons by Die Wasbak gebly. Dit is 'n pragtige, volledig toegeruste dubbelverdiepinghuis. Die kombuis en voor die kaggel was ons lekkerste kuierplekke. Ons kon nie vir beter gevra het nie.

Pragtige huis met allermooiste dekor en 'n lieflike tuin. Ons het heerlik gekuier in die mooi huis.

Heerlik gekuier. Greyton is altyd 'n wenner. Veral die Saterdagmark. Sal net graag wil weet of ons die alarm snags kon aktiveer vir net buite. Ons het skielik 'n onverwagte "gas" skielik op ons voorstoep gehad laat Saterdagmiddag. Maar net besef mens moet altyd op jou hoede wees. Greyton het baie mense wat net in die strate ronddwaal.

Rustige aand saam met my man en 3 klein kindertjies. Greyton is een van ons gunsteling dorpies en die huis was ideaal geleë in die dorp sodat ons met kinders kon stap in die strate en na die perde kyk en vryf.

Baie rustig en goed vir die siel. Heerlike wegbreek gewees, die kombuis was baie goed toegerus. Bitter mooi dorpie Greyton.

Puik. Sal goed wees as die alarmsisteem buite- en binnestellings het.

Baie baie lekker. Oulikste plek met al die nodige geriewe. Sal definitief weer wil gaan. Mooiste décor. Al die nodige geriewe. Baie netjiese plek.

Immaculate house, a lot of effort has gone into the place and the guest's experience. My only feedback is for Die Wasbak to supply a composting bucket for guests as food waste needs to be separated from recyclables.

Pragtige plek propvol kosbaarhede met alles wat jy mag nodig kry. Dit was 'n ysige, koue dag in Greyton maar die huis het 'n heerlike kaggel en verwarmers in die kamers. Alhoewel daar geen TV is nie, het ons die interessantste boeke deurgeblaai en daar is ook volop bordspeletjies beskikbaar. Uitstekende diens vanaf Errol en Tim. Baie dankie.

Die Wasbak is 'n lieflike plek om te kuier en weer die bande met die gesin te hernu. Greyton is 'n wonderlike klein dorpie en Die Wasbak is ideaal geleë, loopafstand van die natuurreservaat af en die restaurante en aantreklikhede van die dorp. Daar is 'n lekker groot kaggel wat die huis baie snoesig maak. Die kombuis is goed toegerus met alles wat mens kan nodig kry. Alles is pragtig aangebied en die huis se dekor is lieflik. Daar is heelwat bordspeletjies om die hele gesin te vermaak wanneer dit te koud raak om buite te kuier. Ons gasheer, Errol, was baie behulpsaam toe daar 'n probleem was met die dorp se krag (die wind het 'n kragdraad los gewaai) en werklik 'n gawe mens. Ek beveel Die Wasbak aan vir enige iemand wat graag 'n naweek weg wil geniet in Greyton.