Dilisca Guesthouse

Gastehuis

Kapasiteit: 28 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Pionierstraat 2, Durbanville, 7550, Wes-Kaap
Vanaf R1 210 per nag, vir 2 mense
TGCSA-gradering:

Beskrywing

Dilisca Guesthouse is 'n lieflike 4 ster-gastehuis in Durbanville, Kaapstad. Gaste kan kies uit 1 van die 13 individueel versierde kamers: Standaardkamers, Luukse Kamers, Gesinskamers en Executive-kamers. Die gastehuis gebruik boorgatwater en sonkrag.

Al die kamers beskik oor lugversorging en perkallinne. Elke kamer bevat ook 'n haardroër, 'n TV met DStv-kanale, 'n yskassie, koffie- en teemaakgeriewe, 'n lessenaar en gratis WiFi van hoë gehalte. Die kamers word daagliks skoongemaak en veilige parkeerplek word voorsien.

Die 7 Standaardkamers het elk 2 enkelbeddens of 'n koninggrootte-bed en 'n en suite-badkamer. Die 4 Luukse kamers het elk 'n koningin- of koninggrootte-bed, 'n en suite-badkamer (waarvan 1 'n bad het), 'n mikrogolfoond en 'n privaat stoep.

Die Gesinskamer het 'n koningingrootte-bed en 'n enkelbed met 'n en suite-badkamer. Dit het ook al die afwerkings wat die luukse kamers het. Die kamer het ook 'n stoep.

Die Executive-kamer het 'n volledige ruim en suite-badkamer, instapkaste, 'n koninggrootte-bed en 'n aparte leefarea met 'n binnebraai.

Ontbyt is beskikbaar by die restaurant op die perseel. Wegneem-ontbyt en -middagetes kan ook voorsien word. Aandete kan op versoek in die kamer, of vir klein funksies voorsien word.

Daar is verskeie besienswaardighede en doendinge in die area soos gholf by Durbanville Gholfbaan of 'n bietjie verder is daar Tafelberg, die V&A Waterfront en Akwarium, Kirstenbosch en die verskeie wynplase in en om Kaapstad. Die gastehuis is net 5 minute se ry van 2 privaat hospitale af.

Kry ’n Kwotasie