Dinvorae Southbroom

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Northridge-weg 35, Southbroom, 4277, KwaZulu-Natal
Vanaf R5 500 per nag (plek vir 8)

Beskrywing

Die moderne selfsorghuis bied uitstekende uitsigte oor Southbroom se hoofstrand. Die strand is net om die draai, en dit is slegs 5 minute se ry vanaf die wêreldklas Southbroom Gholfklub en The Wooden Reel se begeleide visvang-uitstappies is net 2 km ver.

Die huis het 4 slaapkamers en 4 badkamers. Alle slaapkamers het koninggrootte-beddens wat omskep kan word in 2 enkelbeddens. Elke kamer geniet uitsigte oor die strandmeer en see. Linne en handdoeke word voorsien. Die slaapkamers is op 2 verdiepings en bied dus gemaklik verblyf vir 2 gesinne. Die boonste verdiepings het 2 slaapkamers en 2 badkamers, die 1 met 'n bad en die ander met 'n stort. Die onderste verdieping het 2 slaapkamers en 1 volledige badkamer en 'n aparte stortkamer. Linne en handdoeke word voorsien. In die middel van die 2 vlakke is daar nog 'n vlak met 'n leefarea en 'n gaste-toilet.

Daar is 2 leefareas met gemaklike rusbanke en een van die leefareas het 'n TV met volledige DStv en kringklank. Albei leefareas maak oop op die patio met groot glasskuifdeure. Die moderne oopplan-kombuis en -eetarea is volledig toegerus vir selfsorg. Die kombuis spog met 'n Smeg-oond met 'n gasstoof, yskas, ysmaker, spens en aparte opwaskamer met 'n skottelgoedwasser, wasmasjien en tuimeldroër. Die huis het 'n enkelmotorhuis. Daar is ook 'n ruim buite-leefarea met 'n randvloeiswembad en patio-meubels. 'n Basiese skoonmaakdiens word voorsien. 'n Kampeerkot is beskikbaar.

Southbroom het uitstekende gholfbane en hier kan jy visvang, swem of net op die lieflike strand gaan stap. Daar is wonderlike restaurante naby ons en maklike toegang tot inkopiesentrums. Die Wild Coast Sun is net 15 minute per motor van ons af en daar is 'n casino en waterpark om jou te vermaak. Ander doendinge sluit in: Zipline by Oribi Gorge of bespreek 'n boot vir diepseevisvang.

Kry ’n Kwotasie