DK Villas 4 Riverview

Selfsorg

Kapasiteit: 2 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Baviaanskloofweg 3, Riverview Eenheid 51, Houtbaai, 7806, Wes-Kaap
Vanaf R1 360 per nag (plek vir 2)

Beskrywing

DK Villas 4 Riverview is 'n lieflike eenslaapkamerwoonstel in 'n lowergroen kompleks in Houtbaai in Kaapstad. Hierdie woonstel het ongekunstelde Franse dekor, luukse gemaklike meubels, helder en sonnige leefarea en 'n pragtige balkon wat deur 'n bougainvillea geraam word.

Die woonstel is geskik vir tot en met 2 gaste en het 'n slaapkamer, 'n badkamer en 'n ruim oopplan-kombuis en -leefarea wat lei na die balkon, die ideale plek om saans te ontspan of om in die oggend 'n koppie tee of koffie te geniet. Die kamer het 'n koningingrootte-bed met sagte Egiptiese katoenlinne. Die badkamer het 'n instapstort met 2 stortkoppe waarvan 1 'n handstort is, asook 'n haardroër, Egiptiese katoenhanddoeke en strandhanddoeke.

Die toegeruste kombuis het SMEG-geriewe, insluitend 'n oond en stoof, ketel, koffiemasjien, broodrooster, skottelgoedwasser, wasmasjien, tuimeldroër en 'n yskas-vrieskas. Daar is 'n toonbank waar gaste etes kan geniet en 'n stylvolle, gesofistikeerde en huislike sitkamer met 'n platskerm-TV met DStv. Daar is gratis WiFi.

Die kompleks het 'n gemeenskaplike plonspoel en daar is veilige parkeerplek.

Die kompleks is stapafstand van Houtbaai se strand en dié dorpie se winkels en bushaltes. Die pragtige en wêreldbekende Chapmanspiek is minder as 5 minute se ry weg.

Daar is talle restaurante in die omgewing en gaste kan by die spa langsaan gepamperlang word. Die verskeie kroeë in Houtbaai is daar vir enige iemand wat belangstel in die naglewe of gaste kan na Kaapstad se middestad of die Atlantiese kus ry.

Kry ’n Kwotasie