Dolfin House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Dolfynstraat 7, Yzerfontein, 7351, Wes-Kaap
Vanaf R2 520 per nag, vir 6 mense

Beskrywing

Dolfin House is 'n gerieflike selfsorg-eenheid wat op die grondvloer van die eienaar se huis geleë is en is perfek geleë in die skilderagtige hawedorpie Yzerfontein aan die Weskus.

Die eenheid beskik oor 3 slaapkamers en 2 badkamers. Die eerste badkamer is ruim en het 'n bad, stort, wasbak en 'n toilet. Die tweede badkamer is 'n en suite. Vir gaste se gerief word toiletware in die badkamers voorsien.

Die eerste slaapkamer het 'n koninggrootte-bed. Die tweede slaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die derde slaapkamer beskik oor 2 enkelbeddens.

Die leefarea is oopplan en die kombuis bevat 'n yskas-vrieskas, skottelgoedwasser, mikrogolf, stoof, oond, koffiemasjien, broodrooster, eierkoker en oorgenoeg ingeboude kaste om breekware en eetgerei, potte en panne te stoor, asook braaigerei.

Die sitkamer het 'n gemaklike rusbank en 'n slim-TV met volledige DStv en Netflix. Wi-Fi is ook beskikbaar.

Vir gaste se veiligheid is sekuriteitskameras aan die buitekant van die huis aangebring.

'n Wasmasjien is op die perseel beskikbaar vir gaste wat langer as 2 dae bly.

Die leefarea lei na 'n omheinde tuin met buitesitplek en 'n hek. Gaste kan ook van die gemeenskaplike swembad en onderdakbraai-area gebruik maak. Neem asseblief kennis dat die swembad nie toegemaak is nie.

Daar is 'n omskakelaar vir die Wi-Fi tydens beurtkrag, asook 'n gasstoof en ligte.

Die eenheid is baie sentraal geleë en binne stapafstand van die hoofstrand en die bekende 16-myl strand, sportklub, Rosemead Bakery, winkels, restaurante, skoonheid en haarsalon, en slegs 50 m vanaf die karavaanpark.