Dolfyn Stêr

Selfsorg

Kapasiteit: 4 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Dolfyn-keeromstraat 10, De Bakke, Mosselbaai, 6500, Wes-Kaap
Vanaf R1 500 per nag (plek vir 2)

Beskrywing

Dolfyn Stêr bied selfsorgverblyf op die eienaar se perseel in Mosselbaai. Dit is naby strande, restaurante, 'n hospitaal en ander besienswaardighede in die area geleë.

Gaste kan tussen 2 eenhede kies waarvan elk 'n privaat ingang het en slaapplek aan 2 gaste bied. Die eerste eenheid, Pikkewyn, beskik oor 'n slaapkamer met 'n koninggrootte-bed, ingeboude kaste, 'n spieëlkas, verwarmer en 'n staanwaaier. Die aparte badkamer het 'n stort, wasbak, toilet en 'n wasmasjien. Die kombuisie is met 'n yskas-vrieskas, mikrogolfoond, elektriese braaipan en tee- en koffiemaakgeriewe toegerus. Die eenheid het ook 'n etenstafel met sitplek vir 2 gaste, 'n rusbank en 'n TV waarop gaste met hul eie Netflix-besonderhede kan inteken.

Die tweede eenheid, Seeperdjie, het 'n koninginggrootte-bed die slaapkamer, asook 'n ingeboude kas, spieëlkas, verwarmer en 'n staanwaaier. Die aparte badkamer het 'n stort, wasbak, toilet en 'n wasmasjien. Die kombuis is met 'n yskas-vrieskas, mikrogolf, elektriese braaipan en tee- en koffiemaakgeriewe toegerus. Daar is 'n etenstafel met sitplek vir 2 gaste, 'n rusbank en 'n TV waarop gaste met hul eie Netflix-besonderhede kan inteken.

Gaste het toegang tot braaigeriewe met braaihout ingesluit, gratis WiFi en veilige parkeerplek.

Kry ’n Kwotasie