Beskrywing

DrakeVilla het 'n privaat ingang op die eienaar se perseel in Nahoon, en bied gerieflike verblyf vir die sakereisiger of gesinne.
Afhangend van die aantal gaste word die volledige woonstel of slegs die studio gedeelte beskikbaar gestel. Slegs een bespreking word op 'n slag aanvaar en gaste het privaat gebruik van die woonstel. Gratis WiFi beskikbaar.

Die volledige woonstel bied slaapplek aan 5 gaste en beskik oor 'n aparte badkamer, 'n
slaapkamer met 'n dubbelbed, en 'n leefarea met 2 enkelbeddens en 'n enkelslaapbank.

Vir die sakereisger of 2 persone wat deel is die studio gedeelte (oopplan) en badkamer beskikbaar. Vir gesinne of besprekings van 4 of 5 persone sal die volledige woonstel beskikbaar wees.

Die oopplan-leefarea het gemaklike sitplek en 'n TV met stroomdienste, soos Netflix. Daar is ook 'n etenstafel waar gaste maaltye kan geniet. Die kombuisie is met noodsaaklike geriewe, soos 'n yskas-vrieskas, mikrogolfoond en ketel toegerus. Dit is ideaal om ligte maaltye en versnaperinge voor te berei. Braaigeriewe kan ook in die tuinarea gereël word. Veilige parkeerplek is op die perseel beskikbaar.

Die verblyf is gerieflik naby plaaslike winkels en restaurante, en gaste het maklike toegang tot geriewe. Die nabygeleë Nahoonrivier bied geleenthede vir rustige staptogte of wateraktiwiteite, terwyl gholf-entoesiaste die nabyheid aan die Oos-Londen Gholfklub en Nahoon Reef Driving Range sal geniet. Nahoon Beach bied 'n perfekte plek vir 'n dag van son en ontspanning.