Drecaso Self-Catering Chalets

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 16 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Drecaso Plaas, Boesmansrivierpad, Bonnievale, 6730, Wes-Kaap
Vanaf R5 200 per nag (plek vir 16)

Beskrywing

Drecaso Self-Catering Chalets is op die pad na McGregor, tussen Robertson en Bonnievale. Dis die ideale bestemming vir 'n gesinsnaweek of sake-dinkskrum. Die onoortreflike uitsigte oor die vallei se wingerde en boorde met die Langeberge in die verte is voorwaar iets om te aanskou. Die nabyheid aan wêreldklas wynlandgoedere is net nog 'n ekstra bonus.

Die verblyf skuil teen 'n helling wat noord front en bestaan uit 4 pragtig ingerigte, verhewe chalets en 'n sentrale klubhuis wat oor die swembad uitkyk. Die halwe akker welige groen grasperk bied oorgenoeg plek vir kinders om te baljaar.

Elke chalet het 2 slaapkamers met lugversorging, 'n badkamer, kombuisie en balkon. Die hoofslaapkamer het 'n koningingrootte-bed en die tweede kamer het 2 driekwartbeddens. Beddegoed en handdoeke word voorsien. Albei slaapkamers lei na die badkamer waar daar 'n stort, toilet en wasbak is. Die kombuisie is toegerus met 'n yskassie, mikrogolf, ketel, broodrooster, tweeplaatstoof, eetgerei en breekware. Draagbare braaigeriewe is op versoek beskikbaar.

Die klubhuis bied 'n swembad en 'n vollengte stoep wat oor die vallei uitkyk. Verder is daar 'n binnebraai, braaigeriewe op die stoep, 'n pizza-oond buite, en 'n volledige kroeg waar gaste sekere DStv-kanale kan kyk. Al die gaste op die plaas het toegang tot die klubhuisgeriewe. Diegene wat in privaatheid wil ontspan kan eenvoudig terugsit in hul eie chalets en die stilte geniet.

Kry ’n Kwotasie