Dundi Lodge

Lodge

Kapasiteit: 14 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Airport Boulevard 4, Rooipad, Augrabies, 8870, Noord-Kaap
Vanaf R1 770 per nag, vir 2 mense

Beskrywing

Dundi Lodge is na aan die bekende Augrabies-waterval in die Nood-Kaap geleë. Dié lodge is ideaal vir diegene wat op soek is na 'n vreedsame en gerieflike wegbreek, hetsy vir 'n vakansie of sakereis.

Jy het 'n keuse van 11 luuks gemeubileerde en goed toegeruste kamers. Die suites het elkeen slaapplek vir 2 tot 6 gaste en is toegerus met óf 'n koninggrootte-bed of 2 enkelbeddens. Elkeen van die eenhede is ruim en lei na 'n sentrale binnehof en swembad-area. Die geriewe in hierdie kamers sluit lugversorging, gratis WiFi, 'n kluis, verwarmer, 'n TV met sekere DStv-kanale en 'n kroegie met koffie- en teemaakgeriewe in.

Die lodge se gewilde restaurant is die ideale plek om kliënte te trakteer, saam met vriende te kuier of net 'n heerlike ete saam met van ons heerlike wyne te geniet gedurende jou verblyf. Die Dundi Vliegveld bied die gerief van huurvlugte in die omgewing en die lodge se suster-instansie, Kalahari Outventures, bied 'n rits doendinge op die rivier waaronder riviervlotvaart, kunsvlieghengel, roei in die natuur en oornag-safari's, wat bespreek kan word op versoek.

Ons bied ook 'n 3 uur lange wildrit met professionele gidse. Dit kan gereël word deur die lodge. Ons is die ideale oornagplek op pad na die Kgalagadi Oorgrens Nasionale Park. Ons personeel het 'n deeglike kennis van die omgewing en sal jou graag bystaan met enige vrae of advies in verband met besigtingingstoere.

Kry ’n Kwotasie