Dwarswegstrandoord

Oord

Kapasiteit: 321 persone
Alle ouderdomme is welkom
Inkloktyd: 15:00 tot 00:00
Uitkloktyd: 10:00
Adres: GG Cillie-straat, Dwarswegstrand, Grootbrakrivier, 6525, Wes-Kaap
Vanaf R370 per nag, vir 2 mense
TGCSA-gradering:

Beskrywing

Dwarswegstrand is na aan die Grootbrakrivier, tussen Mosselbaai en George, geleë. Die omgewing het 'n aangename klimaat, rustige atmosfeer en pragtige skoon strande. Die oord spog met toegangsbeheer en 24 uur-sekuriteit.

Verblyf word aangebied in 11 huise wat elk slaapplek bied vir 2 tot 8 gaste bied, 9 woonstelle met slaapplek vir 2 gaste reg op die strand, 9 chalets wat slaapplek vir 5 gaste het en nie na die see front nie en 'n karavaanpark met altesaam 34 staanplekke. Al die eenhede is ten volle toegerus en beskik oor sekere DStv-kanale. Linne word voorsien, maar gaste moet asseblief hul eie handdoeke saambring.

Die karavaanpark is baie netjies met 11 gras-staanplekke en 23 geplaveide staanplekke. Al die staanplekke het krag- en waterpunte. Die ablusieblok is uiters skoon en toegerus met 'n waskamer.

By die kantore is 'n kafee wat basiese benodigdhede verkoop soos hout, roomys, koeldrank, brood, melk, lekkers, ens. Daar is wel 'n supermark ongeveer 8 km van die oord af indien jy ander kruideniersware nodig het.

Dwarswegstrandoord is sentraal geleë ten opsigte van gholfbane, rolbalbane en 'n verskeidenheid ander besienswaardighede.

Kry ’n Kwotasie