Beskrywing

Earthy Inn is 'n knus selfsorgkothuis met 'n privaat ingang op die eienaar se perseel in Wingate Park wat sowat 15 km vanaf Pretoria se middestad is. Dit is die ideale opsie vir 'n paartjie of 'n klein gesin aangesien dit naby verskeie geriewe en besienswaardighede is.

Hierdie kothuis bied slaapplek aan 4 gaste en beskik oor 'n slaapkamer en 'n en suite-badkamer. Die slaapkamer het 'n koningingrootte-bed en daar is 'n stort, wasbak en 'n toilet in die badkamer. Linne word voorsien.

Die leefarea het 'n kombuisie wat met 'n enkelplaatgasstoof, mikrogolfoond, yskas-vrieskas, broodrooster, eetgerei, breekware en tee- en koffiemaakgeriewe toegerus is. Die kombuis lei na 'n sitarea met 'n dubbelslaapbank.

Buite is daar 'n privaat tuin met sitplek en braaigeriewe waar gaste kan ontspan. Gaste het toegang tot veilige parkeerplek vir 1 voertuig. Die ligging van die eindom is sowat 10 km vanaf winkelsentrums, 'n poskantoor, wegneemrestaurante, 'n wildreservaat, 2 hospitale en 3 gholfbane.