Edible Shores self-catering

Selfsorg

Kapasiteit: 7 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: High Level-weg 287, Pringlebaai, Kaapstad, 7975, Wes-Kaap
Vanaf R1 062 per nag, vir 2 mense

Beskrywing

Edible Shores self-catering is in die hartjie van Pringlebaai geleë en bied selfsorgverblyf in 2 kothuise wat apart van die hoofhuis geleë is. Elke kothuis het sy eie ingang en 'n privaat dek met braaigeriewe en 'n uitsig oor die see en op die berge. Albei kothuise het kaggels en 'n warmbad is teen 'n ekstra koste beskikbaar.

Mandalay bied slaapplek aan 4 volwassenes en 4 kinders en beskik oor 3 slaapkamers. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 'n dubbelbed en 'n solder met 'n bed vir 1 kind en die derde slaapkamer het 'n stapelbed en 'n bed vir 1 kind. Die kothuis beskik oor 'n oopplan-leefarea met gemaklike sitplek, 'n klavier, kaggel, etenstafel en 'n pooltafel. Die kombuis is met 'n yskas-vrieskas, stoof, oond, mikrogolf, wasmasjien en koffie- en teemaakgeriewe toegerus.

Boathouse beskik oor 1 slaapkamer en 1 badkamer. Die hoofslaapkamer het 'n koningingrootte-bed en die leefarea het 'n dubbelslaapbank. Die badkamer het 'n bad en 'n stort. Die oopplan-leefarea sluit gemaklike sitplek, 'n knus kaggel, etenstafel en 'n kombuis met 'n yskas-vrieskas, stoof, oond, mikrogolfoond en koffie- en teemaakgeriewe in.

Lyf- en branderplanke is beskikbaar en, indien dit vooraf gereël word, kan gaste ook tuisgemaakte maaltye bestel. Veilige parkeerplek word voorsien en daar is 'n warmwaterstort buite waar gaste sand kan afwas. Die strand is stapafstand vanaf die kothuise en daar is pragtige voetslaanroetes en geleenthede vir voëlkyk en fietsry naby.

Kry ’n Kwotasie