Elandsvlei Estate Farmhouse

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Macouwpan Plaas, 165, KR, Mookgophong, 0560, Limpopo
Vanaf R6 700 per nag, vir 12 mense

Beskrywing

Elandsvlei Estate Farmhouse bied selfsorgverblyf en is op ’n privaat landgoed ongeveer 44 km vanaf Mookgopoing. Hierdie plaashuis is die perfekte plek vir ’n groot groep mense om in privaatheid te ontspan tussen die mooi Afrika-wildlewe.

Dié plaashuis wat in ’n Afrika-styl ontwerp is bied verblyf aan tot 12 gaste en beskik oor 5 luukse suites met en suite-badkamers. Al die slaapkamers is verbind aan die hoof-sitarea. Die hoofslaapkamer en tweede slaapkamers het elk ’n koninggrootte-bed, die derde slaapkamer het 2 enkelbeddens, die vierde slaapkamer het ’n koningingrootte-bed en die vyfde slaapkamer het 2 enkelbeddens en ’n stapelbed. Die en suite-badkamers het elk ’n stort of bad.

Die goed toegeruste kombuis het ’n dubbelyskas, ’n groot gasstoof met ’n oond, ’n mikrogolfoond en ander toerusting en toebehore om te gebruik. Die sitarea lei na die hoofvermaakarea, waar daar ’n onderdakbraai is wat lei na die plonspoel. Daar is ’n tweede opelugbraai en vuurmaakhout word voorsien.

Die plaashuis is op ’n 3000 hektaar privaat wildplaas tussen Mookgphing en Vaalwater en daar is kameelperde, buffels, elande, koedoes, gemsbokke, sebras en wildebeeste. Die pragtige ligging in die berge het baie paadjies vir voetslaan, draf en bergfietsry. Gaste kan in die landgoed se damme visvang, waar daar tipalia, brasem en katvisse is.

Gaste wat ’n vierwielmotor, ATV of veldmotorfiets het kan self rondry. Gaste wat dit wil doen moet asb. eers op ’n wildrit met ’n gids gaan, om die uitleg van die eiendom te leer ken.

Wildritte kan teen ’n ekstra fooi per persoon gereël word. Dit sluit 2 ure se wildkyk, asook skemerkelkies en eetgoed in.

Kry ’n Kwotasie