Elements 213

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Staanplek 213, Elements Private Golf Estate, Bela-Bela, 0000, Limpopo
Vanaf R5 000 per nag (plek vir 14)

Beskrywing

Elements 213 is op 'n privaat gholflandgoed in Bela-Bela en word omring deur die natuur en pragtige berguitsigte. Die selfsorgvakansiehuis is die perfekte plek om blywende herinneringe saam met die hele gesin te skep.

Die pragtige huis bied slaapplek aan 8 volwassenes en 6 kinders in 4 en suite-slaapkamers. Die 2 hoofslaapkamers het elk 'n koninggrootte-bed en 'n en suite-badkamer met 'n bad, stort, toilet en 'n buitestort. Die derde slaapkamer het 2 enkelbeddens en 'n ekstra slaapbank vir 2 jong kinders. Daar is ook 'n badkamer met 'n bad, stort en toilet. Die vierde slaapkamer het 'n koninggrootte-bed, slaapbank vir 2 jong kinders en 'n en suite-badkamer met 'n bad, stort en toilet. Die vyfde slaapkamer het 'n dubbelbed en 'n en 'n buitestort vir 2 ouer kinders. 'n Gastetoilet is ook beskikbaar. Alle linne en badhanddoeke word voorsien.

Die ruim huis beskik oor 'n kombuis wat met 'n dubbeldeur-yskas, mikrogolfoond, gasstoof, eetgerei en breekware toegerus is. Daar is ook 'n opwaskamer met 2 skottelgoedwassers, 'n wasmasjien en 'n tuimeldroër. Langs die kombuis is 'n gemaklike sitarea met knus rusbanke en 'n TV teen die muur. Die kuierarea spog met 'n pooltafel, veerpyltjiebord, TV, sentrale kaggel, etenstafel, binnebraai, kroegarea en 'n groot ysmasjien.

Buite het gaste 'n privaat stoep met oorgenoeg buitemeubels en 'n etenstafel met 'n uitsig oor die sprankelende swembad met sonverhitting en boma-braai-area. 'n Buitestort en onderdakparkeerplek is ook beskikbaar.

Kry ’n Kwotasie