Elephant Hide of Knysna Guest Lodge

Lodge

Soos Gesien op Facebook
Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Cherry-laan, Knysna, 6570, Wes-Kaap
Vanaf R4 200 per nag, vir 2 mense
TGCSA-gradering:

Beskrywing

Elephant Hide of Knysna Guest Lodge is op die Welbedacht-kranse, 3 km vanaf Knysna geleë en spog met uitsigte oor die Knysna-strandmeer en op die Outeniekwaberge. Knysna is bekend onder bejaardes en toeriste, en bied 'n rits aktiwiteite soos kajakvaar, voetslaan, swem en visvang. Dit is die ideale bestemming vir diegene wat uit die stad wil ontsnap.

Die lodge se tema is op natuurlike prag gebaseer met argitektuur wat klip en hout kombineer om 'n aardse gevoel te skep. Die lodge word deur 'n familie bestuur en bied uitstekende diens wat 'n onvergeetlike ervaring vir almal verseker.

Verblyf word gebied in suites met 'n Afrika-tema: 1 Executive Suite, 1 Family Suite, 1 Fynbos Suite, 4 Lagoon Suites en 2 Bird’s Eye Suites. Die beddens is met perkallinne opgemaak. Elke suite het WiFi, 'n iPod-koppelstasie, lugversorging, verhitting, 'n TV met sekere kanale en tee- en koffiemaakgeriewe.

Gaste kan in die gastesitkamer ontspan en ontbyt in die ontbytkamer geniet. Ontbyt kan ook in die suite bedien word, mits dit vooraf gereël word. Die lodge het 'n swembad en dek met wonderlike uitsigte. Die lodge is troeteldiervriendelik, indien dit vooraf gereël word.

Veilige parkeerplek is beskikbaar. Ekstra dienste sluit 'n lughawependeldiens, middagetepakkies, 'n kinderoppasser en kindersorg, 'n wasgoed-, stryk- en droogskoonmaakdiens en kantoordienste in.

Kry ’n Kwotasie