@Mabalingwe Elephant Lodge

Selfsorg

Kapasiteit: 7 persone
6 volwassenes, 1 kind
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R516, Mabalingwe Natuurreservaat, Bela-Bela, 0480, Limpopo
Vanaf R3 250 per nag (plek vir 7)

Beskrywing

@Mabalingwe Elephant Lodge is 'n privaat selfsorg-bosveldeenheid in die Mabalingwe Natuurreservaat in Bela-Bela. Dié reservaat spog met volop voël- en wildspesies, insluitend die Groot 5. Dis in die skadu van die pragtige Waterberge geleë en beslaan 12,500 ha se bosveld.

Die eenheid beskik oor 3 slaapkamers wat elkeen 'n en suite-badkamer met 'n bad en stort het, sowel as 'n oopplan-kombuis, -leefarea en -eetarea. Die kombuis is ten volle toegerus met eetgerei en standaardgeriewe soos 'n yskas, oond en stoof, en mikrogolfoond. Die leefarea het 'n TV met die volledige DStv-pakket.

Dit is lekker naby die swembaddens, tennisbane, muurbalbane, 'n mini-gholfbaan en 'n plaaswinkel. Die eenheid het 'n privaat boma met 'n lieflike uitsig oor die bosveld waar wild gereeld kom kuier.

Die Mabalingwe Natuurreservaat bied verskeie geriewe op die perseel soos 'n restaurant en kroeg, boskroeg, verhitte swembad, geriefswinkel, kuriowinkel en 'n drankwinkel. Verskeie wildritte is beskikbaar.

Kry ’n Kwotasie