Elephant Point Lodge

Selfsorg

Kapasiteit: 8 persone
Alle ouderdomme is welkom
Inkloktyd: 16:00 tot 00:00
Uitkloktyd: 10:00
Adres: R536, Hazyview, 1242, Mpumalanga
Vanaf R15 000 per nag (plek vir 8)

Beskrywing

Geleë 2,7 km vanaf Sabierivier in Hazyview, sal jy 'n pragtige vakansiehuis genaamd Elephant Point Lodge vind wat ideaal is vir 'n rustige bosveld-wegbreek saam met die familie of 'n groep vriende.

Dié lieflike eiendom met lugversorging het slaapplek vir tot 8 gaste op 'n slag en beskik oor 4 slaapkamers en 4 badkamers asook 'n gastetoilet. Daar is 2 slaapkamers wat elk ingerig is met 'n koninggrootte, terwyl die ander 2 slaapkamers elk 2 enkelbeddens het. Gaste kan óf 'n koninggrootte-bed óf 2 enkelbeddens in enige van die 4 slaapkamers versoek. Beide bad- en stortgeriewe is in die huis beskikbaar. Alle linne en handdoeke word voorsien.

Die oopplan-hoofleefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook 'n ontbyttoonbank met stoele. 'n Skottelgoedwasser en 'n wasmasjien is ook beskikbaar. Van die kombuis af lei 'n eetarea en 'n sitkamer met gemaklike sitplek en 'n TV met 'n volledige keuse van DStv-kanale.

Daar is 'n balkon op die boonste vlak met buitemeubels wat die ideale plek is om oor die omliggende bosveld uit te kyk. Deur die leefarea se skuifdeure is daar 'n onderdakstoep met 'n buite-eettafel en 'n ingeboude braai asook 'n groot houtdek met sonstoele en 'n swembad. Boonop is daar 'n boma met meer braaigeriewe.

Die ligging van Elephant Point Lodge bied veilige parkeerplek en is 12 km vanaf die Phabeni-hek na die Krugerwildtuin.

Kry ’n Kwotasie