Beskrywing

Erinvale Garden Cottage is op die veilige, omheinde Erinvale Gholflandgoed in Somerset-Wes. Dié kothuis front noord, bied 'n uitsig op die Hottentots-Hollandberge en is langs die gholfbaan se derde putjie. Die gholflandgoed is naby die Wynlande en word deur die Vergelegen Wynlandgoed, Helderberg Natuurreservaat en Lourensford Wynlandgoed omring. Hierdie verblyf het 'n omsetter wat vir 6 ure krag aan noodsaaklike toestelle kan voorsien.

Die kothuis is smaakvol versier met oorspronklike kunswerke van kunstenaars soos Itai Vangani en beskik oor 'n slaapkamer met 'n koningingrootte-bed, 'n aparte badkamer met 'n stort, 'n kombuis wat ten volle toegerus is en 'n leefarea. Die kothuis het 'n buitestoep en 'n privaat area met 'n stort en 'n ruimte waar gaste kan sonbaai, en 'n aangewese braai-area. Veilige parkeerplek word ook voorsien. Die kombuis is met 'n yskas, oond, stoof en 'n mikrogolf toegerus en daar is gratis WiFi en 'n slim-TV met DStv.

Die kothuis is ideaal vir 'n paartjie wat van die buitelewe, wynplase en uiteet hou. Die area bied verskeie restaurante vir gaste om van te kies. Maaltye kan bestel en afgelewer word of gaste kan by die Erinvale Hotel of gholfklub met 'n vol à la carte menu-spyskaart en kroeg eet. Die kothuis word 2 maal per week skoongemaak indien gaste langer bly. Daar is ook ekstra dienste soos was- en strykdienste op versoek.

Die landgoed het ander geriewe soos staproetes, tennisbane en 'n gholfbaan wat gaste teen afslag kan gebruik as hulle by die kothuis bly.