Designer Villa

Selfsorg

Soos Gesien op Facebook
Kapasiteit: 10 persone
Geen kinders
Inkloktyd: 14:00 tot 16:00
Uitkloktyd: 10:00
Adres: Newsel-weg 29, Selection Beach, Umdloti, 4350, KwaZulu-Natal
Tydelik onbeskikbaar
TGCSA-gradering:

Beskrywing

Designer Villa bied 'n panoramiese uitsig oor die Indiese Oseaan en het 'n verskeidenheid pasgemaakte ontwerpersafwerkings. Die pragtige eenheid is in 'n gesogte deel van Umdloti geleë en spog met 'n asemrowende uitsig. Dit is ideaal vir reisigers en gesinne wat herinneringe in dié bekoorlike dog luukse kusdorpie wil skep.

Die kontemporêre tripelverdiepinghuis beskik oor 5 slaapkamers en 4 badkamers. Die hoofslaapkamer, wat die hele boonste verdieping beslaan, het 'n koninggrootte-bed en 'n en suite-badkamer met 'n toilet, dubbelwasbak, bad en 2 storte. Twee van die slaapkamers het elk 'n koningingrootte-bed en 'n en suite-badkamer met 'n toilet, wasbak en 'n bad of 'n stort. Die laaste 2 slaapkamers het, onderskeidelik, 2 enkelbeddens en 'n koningingrootte-bed. Die vierde badkamer het 'n toilet, wasbak en 'n stort.

Die hoofleefarea bied 'n panoramiese uitsig oor die Indiese Oseaan en beskik oor 'n sitarea, eetarea en 'n kombuis. Die kombuis is met 'n yskas, oond, stoof en 'n mikrogolfoond toegerus. Elke sitarea het gemaklike rusbanke en die informele sitarea dien ook as die TV-kamer. Die tussenvloer spog met glasvensters wat van die vloer tot die plafon strek en bied 'n pragtige uitsig.

Gaste kan tyd in die huis se tuin of swembad deurbring, of by Selection-strand gaan swem. Buite-aktiwiteite in die omgewing sluit die Blue Trail-natuurstaproete of die Sibaya Kuswoudreservaat in. Die huis is ook naby 'n verskeidenheid winkels, restaurante en die Sibaya Casino & Entertainment Kingdom.