Estoby Executive Guesthouse

Gastehuis

Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Clanwilliam-straat 1967, Modelpark, Witbank, 1042, Mpumalanga
Vanaf R1 190 per nag, vir 2 mense

Beskrywing

Estoby Executive Guesthouse bied gerieflike selfsorgverblyf in 'n volledig gemeubileerde gastehuis in Modelpark, Witbank. Dié gastehuis is beveilig met GKTV-kameras, Maxidor-sekuriteitshekke en 'n elektriese heining.

Estoby Executive Guesthouse is 'n dubbelverdieping-gebou en bied verblyf in 4 Standaardkamers, 2 "Executive"-kamers en 2 Presidensiële-suites. Die kamers is elkeen smaakvol ingerig en beskik oor 'n en suite-badkamer met 'n bad en/of 'n stort. Linne, badhanddoeke en toiletware word voorsien. Daar is ook 'n ekstra stoel, 'n leestafel met 'n stoel, 'n leeslamp, yskas, haardroër, Mr Delivery-brosjure en ander wegneem-eetplekke se brosjures, elektroniese kluis wat perfek is vir 'n skootrekenaar, platskerm-TV met sekere DStv-kanale, lugversorging en 'n koningingrootte- of 'n koninggrootte-bed in elke kamer.

Die gastehuis het 4 gemeubileerde sitkamers, ruim balkonne met uitsigte, 2 volledig toegeruste gemeenskaplike kombuise, wasgoedgeriewe, eetareas, braaigeriewe en veilige parkeerplek agter 'n afstandbeheer-hek. Daar is nog 4 parkeerplekke op die perseel. Estoby het ook 'n klankdigte kragopwekker, JoJo-watertenks wat 500 liter water kan opgaar en gratis, beperkte WiFi. Toesluit-parkeerplekke is ook beskikbaar. Kombuisgeriewe sluit dubbel-yskaste, watersuiweringstoestelle, 'n skottelgoedwasser, wasmasjiene, eetgerei en breekware, 'n stoof, mikrogolfoond, koffiemaker, broodrooster, menger, smoothie-maker, versapper en ander toebehore. Die gastehuis is teogerus vir selfsorg en ontbyt kan op aanvraag en teen ekstra kostes gereël word.

Estoby Executive Guest House is sentraal geleë, sowat 43 km vanaf die Kusile-kragsentrale, 6 km vanaf Eskom Park en 3 km vanaf die Highveld Winkelsentrum. Die Life Cosmos Privaat Hospitaal is 4 km hiervandaan en die Witbankdam is sowat 7 km weg. Dis die perfekte bestemming vir groot werkspanne, kontrakteurs of gesinne wat met vakansie is.

Kry ’n Kwotasie