Estuary Breeze

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Charles Te Waterstraat 38, Sedgefield, 6573, Wes-Kaap
Vanaf R1 600 per nag (plek vir 6)

Beskrywing

Estuary Breeze bied uitstekende selfsorgverblyf in die hartjie van die Tuinroete op Die Eiland in Sedgefield. Estuary Breeze is aan die oewer van die Swartvleirivier in die Sedgefield Bewarea geleë. Die verblyf se ligging reg teen die water is ideaal vir swem, hope pret met kajakke, kano's en bote op die rivier.

Die akkommodasie bestaan uit 2 aparte, volledige selfsorg-eenhede. Die hoofhuis en die kothuis, wat apart of saam bespreek kan word, het slaapplek vir 12 mense op beddens en addisionele gaste op slaapbanke. Die hoofhuis het slaapplek vir 6 mense op beddens en nog 'n paar op matrasse. Die kothuis bied slaapplek vir 6 mense op beddens en nog 2 op 'n slaapbank.

Die hoofhuis beskik oor 3 slaapkamers en 2 badkamers. Daar is ook 'n kombuis, 'n sitkamer en 'n eetarea. Die oopplan-kombuis is ten volle toegerus met 'n vierplaatstoof en oond, 'n mikrogolf, breekware, eetgerei, toebehore, 'n ketel en 'n broodrooster. Die opwaskamer beskik oor 3 wasbakke, 'n skottelgoedwasser, 'n yskas-vrieskas, kisvrieskas en 'n wasmasjien. Die aparte sitkamer het 'n ingeboude braaiplek, 'n eetarea en 'n TV met DStv, 'n toilet en 'n wasbak. Hierdie kamer is ingerig met 'n slaapbank en kan ekstra mense akkommodeer. Die 2 kamers met rivier-uitsigte beskik elk oor 2 ekstra lang enkelbeddens en die derde slaapkamer het 'n dubbelbed. Al die beddens is oorgetrek met perkallinne. Die 1 badkamer het 'n stort en die tweede badkamer het 'n bad. Daar is enkelbedmatrasse beskikbaar vir ekstra mense.

Die kothuis beskik oor 3 slaapkamers en 2 badkamers. Die kombuis, sitkamer en eetarea is alles oopplan en ten volle toegerus. Die kombuis is toegerus met 'n vierplaatstoof en oond, 'n mikrogolf, 'n yskas-vrieskas, breekware, eetgerei, toebehore, 'n ketel en 'n broodrooster. Die slaapkamers, waarvan een oor 'n en suite-badkamer beskik, is toegerus met enkelbeddens. Die 1 slaapkamer het plek vir 2 ekstra matrasse en alle beddens is opgemaak met perkallinne. Die en suite-badkamer het 'n stort en die tweede badkamer het 'n bad. Daar is ook 'n braai- en kuier-area buite vir gaste se gebruik. Daar is enkelbedmatrasse beskikbaar vir ekstra mense.

Omtrent 30 m van Estuary Breeze af is daar 'n plek waar bote in die rivier gelanseer kan word. Sedgefield het ook 4 strande! Die dorp is tussen Knysna en Wildernis geleë, so dis ideaal vir reisigers wat hierdie deel van Suid-Afrika wil verken.

Kry ’n Kwotasie

Resensies

4.7/ 5

Gebaseer op 31 resensies

Uitstekend

Netheid

4.7

Ligging

4.8

Waarde vir geld

4.6

Diens

4.7

Veiligheid

4.7

Gaste se hoogtepunte

James G

Saam met vriende

5.0

Leker. Baie lekker, mooi, veilige area reg op die waters.

Okt 2024

Ruan V

5.0

Heerlike familiekuier. Ons het 'n wonderlike familiekuier gehad. Die huis is ruim en ten volle toegerus. Die omgewing is veilig en die kinders het dit...

Sien meer

Sep 2024

Leturshia D

Gesin met tieners

5.0

Awesome. Lovely home, great stay, lovely view of the river.

Word in die oorspronklike taal vertoon.

Jul 2024

Chanel R

Saam met lewensmaat

5.0

Seevakansiegevoel. Baie lekker. Ruim huis, goed ingerig. Families wat langer wil bly, sal wasmasjien en vrieskas geniet.